تاۋەلسىزدىك كۇنىنە ارنالعان اۆتوشەرۋ ءوتتى - فوتو
شارانى قالانىڭ جاستار رەسۋرستىق ورتالىعى ۇيىمداستىردى، دەپ حابارلايدى قازاقپارات ءتىلشىسى. ءىس-شاراعا 15 اۆتوكولىك قاتىستى. مەرەكەلىك اۆتوشەرۋدىڭ باستى اتريبۋتى قازاقستان تۋى بولدى. كولىكتەر تىزبەگى ەسكى قالادان باستاۋ الدى. مەتاللۋرگتەر داڭعىلىمەن ءجۇرىپ وتكەن جۇرگىزۋشىلەر اۆتوشەرۋدى «ۆوستوك» ساياباعىندا اياقتادى.
«ءبىزدىڭ اكسيامىزدى تەمىرتاۋلىقتار بەلسەندى تۇردە قولداپ، الەۋمەتتىك جەلىدەگى ۇندەۋگە جاۋاپ بەرىپ، قاتارىمىزعا قوسىلدى. بارشاڭىزدى ەلىمىزدىڭ كەلە جاتقان باستى مەرەكەسىمەن قۇتتىقتايمىن جانە قازاقستاننىڭ وركەندەپ، گۇلدەنۋىنە تىلەكتەسپىن»، - دەدى جاستار ورتالىعىنىڭ ديرەكتورى ايدىن جۇماگەلدينوۆ.
تەمىرتاۋلىق اۆتواۋەسقويلارعا قاراعاندىلىقتار دا قوسىلدى. تاۋەلسىزدىك كۇنى قارساڭىندا كەنشىلەر شاھارىندا «مەنىڭ تۋىم - مەنىڭ قازاقستانىم!» اۆتوشەرۋى ءوتتى. 15 كولىكتەن قۇرالعان اۆتوكەرۋەن قالانىڭ باستى كوشەلەرىنىڭ بويىمەن قازاقستاندىق جالاۋلاردى جەلبىرەپ ءجۇرىپ ءوتتى. وبلىس تۇرعىندارىن Jas Otan جاستار قاناتىنىڭ قاراعاندى وبلىستىق فيليالى مەن «رەگيون» تاكسي ۇجىمى قۇتتىقتادى.
اۆتور: اگاتا مۋحامەدجانوۆا
