تۇركىستان اۋەجايى جولاۋشىلاردى ۇلتتىق كۇيمەن قارسى الدى

تۇركىستان. قازاقپارات- ەل تاۋەلسىزدىگىنىڭ 30 جىلدىعىنا وراي تۇركىستان حالىقارالىق اۋەجايىندا مەرەكەلىك شارا ءوتتى، - دەپ حابارلايدى قازاقپارات ءتىلشىسى.

تۇركىستان وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆ پەن تۇركىستان قالاسى اكىمىنىڭ ورىنباسارى جاندوس تاسوۆ جولاۋشىلاردى مەرەكەمەن قۇتتىقتادى.

شارا اياسىندا اۋەجايدا ۇلتتىق كۇيلەر كۇمبىرلەپ، اننەن شاشۋ شاشىلدى. سونداي-اق، مەكەمەنىڭ ۇزدىك قىزمەتكەرلەرى ماراپاتتالدى. اۋەجايعا كەلگەن جولاۋشىلاردى ونەرپازدار ءان-كۇيمەن قارسى الىپ، مەرەكەلىك كوڭىل-كۇي سىيلادى. تۇركىستان حالىقارالىق اۋەجايى 2020 -جىلدىڭ 1-جەلتوقسان كۇنى ىسكە قوسىلىپ، العاشقى اۋە رەيسىن قابىلداعان بولاتىن. بۇگىندە اۋەجايدا جالپى 16 باعىتتا ۇشاقتار قاتىنايدى. ونىڭ 3 ى حالىقارالىق، 13 ى رەسپۋبليكاىشىلىك رەيستەر. جاڭا اۋەجاي ارقىلى 1 جىل ىشىندە 300000 جۋىق جولاۋشى ۇشاقپەن قاتىناعان.

اۆتور: قايرات زاينيشەۆ