توبەسىنە مەتال كونسترۋكتور قۇلاعان استانالىق ايەل قايتىس بولدى

نۇر-سۇلتان. قازاقپارات - ەلوردادا ۇستىنە مەتال كونسترۋكتور قۇلاعان ايەل اۋرۋحانادا دۇنيە سالدى.

بۇل مالىمەتتى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى راستادى، دەپ حابارلايدى قازاقپارات.

«توبەسىنە مەتال كونسترۋكسيا قۇلاعان ەلوردا تۇرعىنى قايتىس بولدى. قايعىلى وقيعا 22-قازاندا بولعان ەدى. توتەنشە جاعدايدان زارداپ شەككەن 1965 -جىلى تۋعان ايەل №2-قالالىق كوپبەيىندى اۋرۋحاناعا وتە اۋىر جاعدايدا ءتۇستى. پاتسەنتكە مي وپەراتسياسى جاسالدى، وكىنىشكە قاراي، وڭ ديناميكا بەرمەدى. سونداي-اق، رەانيماتسيالىق شارالارعا قاراماستان، ناۋقاستى قۇتقارۋ مۇمكىن بولمادى»، - دەپ حابارلاندى باسقارمادان.

ەسكە سالا كەتەيىك، 22-قازان كۇنى نۇر-سۇلتاندا كوپقاباتتى ءۇي شاتىرىنان مەتالل كونسترۋكسيا قۇلادى. وقىس وقيعا سالدارىنان 56 جاستاعى ايەل ءتۇرلى جاراقات الىپ، جانساقتاۋ بولىمىنە ءتۇستى. سونداي-اق، قالالىق پوليتسيا دەپارتامەنتى بولعان وقيعاعا قاتىستى ق ر قىلمىستىق كودەكسىنىڭ 306-بابىنا سايكەس سوتقا دەيىنگى تەرگەۋ امالدارىنىڭ باستالعانىن حابارلادى. كەيىن ەلوردانىڭ قوعامدىق دەنساۋلىق ساقتاۋ باسقارماسى ناۋقاستىڭ وتە اۋىر حالدە ەكەنىن جانە وعان ءتيىستى مەديتسينالىق كومەكتىڭ كورسەتىلىپ جاتقانىن مالىمدەدى.

اۆتور: ءالي يبرايەۆ