قازاقستاننان ۇلى سپورتشىلار شىعادى - ءحابيبتىڭ باپكەرى
اتاقتى ماماننىڭ قازاقستاندىق سپورتشىلار تۋرالى ايتقان بولىگىن نازارلارىڭىزعا ۇسىنامىز.
- مانەل كاپە (17-6) جاقىندا قازاقستاندىق جالعاس جۇماعۇلوۆپەن (14-6) جۇدىرىقتاستى، وسى جەكپە-جەكتى كوردىڭىز بە؟ قازاقستاندىق سپورتشىلار تۋرالى نە ايتا الاسىز؟
- جوق. بۇل جەكپە-جەكتى كورمەپپىن. قازاقستاندىق فايتەرلەردى بىلمەيمىن، دۇرىسىن ايتقاندا، ولاردى تانيمىن دا، قازاقستاننان ەكەنىن بىلمەگەن بولارمىن.
- AKA زالىنا قازاقستاننان بارعاندار بولدى ما؟
- ءيا، بىرنەشە جىگىت بولدى، ءبىراق، تاجىريبەسى ازداۋ. ءبىزدىڭ دەڭگەيگە جەتكىلىكتى بولاتىن جاتتىعۋ، كۇرەس پەن دجيۋ-دجيتسۋ داعدىلارى بولمادى. الايدا كەلگەن جىگىتتەر تاماشا، كەرەمەت ادامدار، وتە تاربيەلى، قاراپايىم، سىيلاستىقتى بىلەدى. قازاقستان، قىرعىزستان، تاجىكستان مەن داعىستاننان كەلگەن جىگىتتەر وتە قاراپايىم، مەن كورگەندەر اراسىنداعى ادامدى ەرەكشە قۇرمەتتەيتىندەر. بۇل مەنىڭ دۇنيەتانىمىمدى وزگەرتتى.
ويتكەنى ماعان وسى ەلدەردەن شىققان جىگىت كەلسە، ول مەنى قاتتى قۇرمەتتەيتىنىن بىلەمىن. ولاردىڭ ۇستاز، باپكەرگە دەگەن قاتىناسىندا ۇلكەن مادەني ايىرماشىلىق بار. بۇل عالامات! سوندىقتان قازاقستاننان ۇلى سپورتشىلاردىڭ شىعۋى ۋاقىت ەنشىسىندە عانا. ولار ەندى باستاپ كەلەدى، تولىقتاي قالىپتاسپادى، سوندىقتان ۋاقىت كەرەك. بىرنەشە جىلدان كەيىن قازاقستاننان مىقتى فايتەرلەر كوپتەپ شىعادى. ولارعا قاجەتى ۋاقىت قانا.
