ەلباسى: قاسىم-جومارت كەمەل ۇلى ەلدى ءتيىمدى باسقارىپ كەلەدى
«بىزگە الداعى ۋاقىتتا بەيبىتشىلىكتى جاقتايتىن ساياساتىمىز بەن حالىقتىڭ ءال-اۋقاتىن جاقسارتۋ باعىتىنداعى يگى ارەكەتتەرىمىزدى جالعاستىرا بەرۋ كەرەك. سولاي ىستەلىپ جاتىر. كوپشىلىك حالىقتىڭ قولداۋىمەن رەسمي جوعارى بيلىك تىزگىنىن قولىنا العان مەملەكەت باسشىسى قاسىم-جومارت كەمەل ۇلى توقايەۆ بۇگىندە ستراتەگيالىق باعدارلامالارىمىزدى لايىقتى جالعاستىرىپ، ەلدى ءتيىمدى باسقارىپ كەلەدى»، - دەدى تۇڭعىش پرەزيدەنت.
سونداي-اق، ول قازاق تاريحىنداعى وكىنىشتى ساتتەردىڭ ءبارى ەل بىرلىگىنە سىزات تۇسكەن كەزدە ورىن العانىن ەسكە سالدى.
«تاريحتان بىلەسىزدەر. قازاق قوسىلعان كەزدە جەڭبەگەن جاۋى بولعان جوق. قازاق كىشكەنە ىدىراعان كەزدە كىم بولسا، سول كەلىپ تالاپ كەتكەن. سونى ءوزىمىز دە، جاستارىمىز دا ەشقاشان ۇمىتپاۋى كەرەك. سوندىقتان پرەزيدەنتىمىزدى قولداپ، باستامالارىنىڭ بارلىعىنا جۇمىس ىستەپ، ءبىر ادامداي بولسا، ءبىر قولدان جەڭ شىعارساق، ءبىر جاعادان باس شىعارساق، بولاشاقتاعى تابىستارىمىز مول بولادى»، - دەدى نۇرسۇلتان نازاربايەۆ.
ايتا كەتەيىك، بۇگىن مەملەكەت باسشىسى قاسىم-جومارت توقايەۆتىڭ قاتىسۋىمەن ق ر تاۋەلسىزدىگىنىڭ 30 جىلدىعىنا وراي سالتاناتتى جيىن ءوتىپ جاتىر.
سالتاناتتى ءىس-شاراعا ق ر تۇڭعىش پرەزيدەنتى - ەلباسى نۇرسۇلتان نازاربايەۆ، ۇكىمەت مۇشەلەرى، پارلامەنت دەپۋتاتتارى، مادەنيەت جانە قوعام، ونەر، سپورت قايراتكەرلەرى، زيالى قاۋىم وكىلدەرى قاتىسىپ وتىر.
