قازاقستانداعى تىنىشتىق پەن تۇراقتىلىق ءۇشىن ەل يەسى - قازاق حالقى جاۋاپتى

نۇر- سۇلتان. قازاقپارات - قازاقستانداعى تىنىشتىق پەن تۇراقتىلىق ءۇشىن، ەڭ الدىمەن، ەل يەسى - قازاق حالقى جاۋاپتى.

بۇل تۋرالى تاۋەلسىزدىكتىڭ 30 جىلدىعىنا ارنالعان سالتاناتتى ءىس- شارادا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«قازاقستانداعى تىنىشتىق پەن تۇراقتىلىق ءۇشىن، ەڭ الدىمەن، ەل يەسى - قازاق حالقى جاۋاپتى. وسىنى جەتە تۇسىنەتىن كەز كەلدى. ءبىز ءاردايىم كەڭپەيىل بولىپ، وزگە ەتنوس وكىلدەرىنە قامقورلىق تانىتۋىمىز كەرەك. سوندا عانا بەرەكەلى بىرلىگىمىزدى ساقتاپ، تاتۋ- ءتاتتى ءومىر سۇرەمىز»، - دەپ اتاپ ءوتتى ق ر پرەزيدەنتى.

سونىمەن قاتار مەملەكەت باسشىسى الدىمىزدا بولاشاق ەكونوميكاسىن جەدەل سالۋ مىندەتى تۇرعانىن باسا ايتتى. جاڭا تەحنولوگيالار، جاساندى ينتەللەكت، جوعارى ەڭبەك ونىمدىلىگى، شىعارماشالىق باستامالار ونىڭ نەگىزىنە اينالادى. بۇل جۇمىستا شەشۋشى ءسوز جاستاردىڭ ەنشىسىندە»، - دەدى قاسىم- جومارت توقايەۆ.

ازاماتتاردىڭ قۇقىق قورعاۋ ورگاندارىنا سەنىمى ارتا ءتۇستى.

«ارميامىز قازىرگى زامانعى قارۋ- جاراقپەن قامتاماسىز ەتىلىپ، ەلىمىزدىڭ قورعانىس قابىلەتى نىعايا ءتۇستى. سوت جانە قۇقىق قورعاۋ جۇيەسىندە ماڭىزدى رەفورمالار جاسالىپ، ازاماتتاردىڭ قۇقىقتارى ءتيىمدى قورعالۋدا. ولاردىڭ قۇقىق قورعاۋ ورگاندارىنا سەنىمى ارتا ءتۇستى. سىبايلاس جەمقورلىققا قارسى جۇمىس بەلسەندى جۇرگىزىلۋدە. ءتيىستى زاڭنامالاردى جەتىلدىرۋ ءۇشىن ناقتى شارالار قولعا الىندى»، - دەپ اتاپ ءوتتى ق ر پرەزيدەنتى.