ا ق ش- تىڭ قازاقستانداعى جاڭا ەلشىسى قاشان تاعايىندالادى
ق ر سىرتقى ىستەر مينيسترلىگىندە قازاقستان مەن ا ق ش اراسىنداعى كەڭەيتىلگەن ستراتەگيالىق ارىپتەستىك جونىندەگى كوميسسيا وتىرىسى اياسىندا جۋرناليستەر ا ق ش- تىڭ قازاقستانداعى جاڭا ەلشىسى قاشان كەلەتىنىن سۇرادى.
«مەنىڭ دوسىم، ەلشى ۋيليام موزەر مەنىمەن ۆاشينگتوندا جۇمىس ىستەپ جاتىر، ءبىز ورتالىق ازيا تاقىرىبى بويىنشا جاۋاپتىمىز. مەن بۇعان دەيىن بىشكەكتە جۇمىس ىستەگەنمىن. نۇر- سۇلتانداعى جاڭا ەلشىگە قاتىستى ءبىز دۇيسەنبىدە مەملەكەتتىك حاتشىعا جانە اكىمشىلىگىمىزدىڭ باسقا جەتەكشىلەرىنە وسىنداعى ەلشىلىككە ۇمىتكەرلەر بويىنشا ۇسىنىس جاسادىق. مەنىڭ ويىمشا، مەملەكەتتىك حاتشى مەن پرەزيدەنت ۇمىتكەردى جاقىن ارادا ماقۇلدايدى جانە جاقىن ارادا قازاقستانعا جىبەرەدى»، - دەدى دونالد لۋ ق ر سىرتقى ىستەر مينيسترلىگىندە جۋرناليستەر سۇراعىنا بەرگەن جاۋابىندا.
ەسكە سالا كەتسەك، قازان ايىندا مەملەكەت باسشىسى قاسىم- جومارت توقايەۆ ا ق ش- تىڭ قازاقستانداعى توتەنشە جانە وكىلەتتى ەلشىسى ۋيليام موزەردى ەلىمىزدەگى ديپلوماتيالىق ميسسياسىنىڭ اياقتالۋىنا بايلانىستى قابىلداپ، العىس بىلدىرگەن ەدى. بۇگىن ق ر سىرتقى ىستەر ءمينيسترىنىڭ ورىنباسارى اقان راحمەتۋللين مەن ا ق ش مەملەكەتتىك حاتشىسىنىڭ كومەكشىسى دونالد لۋدىڭ توراعالىعىمەن قازاقستان مەن ا ق ش اراسىنداعى كەڭەيتىلگەن ستراتەگيالىق ارىپتەستىك جونىندەگى كوميسسيا وتىرىسى ءوتتى. بۇعان دەيىن دونالد لۋ قازاقستانعا Pfizer ۆاكسيناسىن جەتكىزۋ ماسەلەلەرى جونىندە پىكىر بىلدىرگەن ەدى.
اۆتور: ايجان سەرىكجان قىزى
