استانا اۆتوبۋستارىنىڭ جۇرگىزۋشىلەرى تۋرالى بەينەروليك ءتۇسىرىلدى
«بۇگىن ءبىز تاۋەلسىز قازاقستاننىڭ دامۋىنا قاتىساتىن ماڭىزدى ادامداردىڭ ءبىرى - قوعامدىق كولىك جۇرگىزۋشىلەرىن اتاپ وتكىمىز كەلەدى. ولار تاڭ اتىسىنان باستاپ ادامداردى جۇمىسقا، وقۋعا، جاتتىعۋعا، تۋىستارىنا نەمەسە دوستارىنا قوناققا اپارادى. قوعامدىق كولىك قالانىڭ، ەلدىڭ تىنىس- تىرشىلىگىنىڭ ماڭىزدى قۇرامداس بولىگى»، - دەدى كومپانيادان.
ەلوردا اۆتوبۋستارىندا 30 جىلدىق تاجىريبەسى بار جانە تاۋەلسىزدىكپەن قۇرداس جۇرگىزۋشىلەر جۇمىس ىستەيدى.
«مەنىڭ جۇمىس كۇنىم قالا ءالى ۇيىقتاپ جاتقاندا باستالادى. ويتكەنى، مەنىڭ ماماندىعىم جاڭا كۇننىڭ ءومىر ىرعاعىن بەلگىلەيدى. وسى سالادا جۇمىس ىستەگەنىمە 30 جىل بولدى. وسى جىلدار ىشىندە ماڭىزدى دا، قاجەتتى قوعامدىق كولىك جۇرگىزۋشىسى ماماندىعىن جالعاستىراتىن جاڭا بۋىن ءوستى»، - دەدى قانات كۇلتايەۆ.
ال ارمان توكەنوۆ - تاۋەلسىزدىكتىڭ قۇرداسى. ول دا ءومىرىن قوعام ءۇشىن پايدالى جۇمىسپەن بايلانىستىرعان.
«مەن تاۋەلسىز قازاقستاننىڭ قۇرداسىمىن جانە اتالارىم ارمانداعان ەركىن ەلدە تۇرامىن. مەن قوعامعا پايدالى بولعانىما قۋانىشتىمىن. سوندىقتان ادامدارعا قاجەتتى ماماندىقتى تاڭدادىم. ءيا، مەنىڭ جۇمىسىم وڭاي ەمەس. ءبىراق ادامداردىڭ ومىرىنە قاتىسا وتىرىپ، مەن ەلىمىزدىڭ وركەندەۋىنە ۇلەس قوسامىن. تاۋەلسىزدىك كۇنىمەن!»، - دەيدى اۆتوبۋس جۇرگىزۋشىسى ا. توكەنوۆ.
