بالالار اراسىندا جوعارى سۇرانىسقا يە ەكى تەلەارنا قازاق تىلىندە كورسەتىلمەك - فوتو
جوبا «رۋحاني جاڭعىرۋ» باعدارلاماسىن جۇزەگە اسىرۋ جانە بالالار كونتەنتىن مەملەكەتتىك تىلدە دامىتۋ اياسىندا جۇزەگە اسۋدا. بالالار اراسىندا جوعارى سۇرانىسقا يە TiJi جانە Nickelodeon تەلەارنالارىنىڭ اۋديوجازبالارىن وتاندىق كابەلدىك تەلەۆيزيا بويىنشا كەمىندە 600 ساعات دۋبلياجدىق اۋدارۋ جانە ترانسلياتسيالاۋ جوسپارلانۋدا. ترانسلياتسيا 2022 -جىلى باستالادى دەپ جوسپارلانۋدا.
ەستەرىڭىزگە سالا كەتەيىك، 2021 -جىلعى 29-قىركۇيەكتە اقپارات جانە قوعامدىق دامۋ ءمينيسترى ايدا بالايەۆا مەن «Groupe M6» كومپانياسىنىڭ تەلەارنالار مەن راديوستانتسيالار قورجىنىن حالىقارالىق ديستريبۋتسيالاۋ جونىندەگى ديرەكتورى جان- رەنە وكۋتيۋرە (TiJi) ءوزارا ءتيىمدى قارىم- قاتىناستاردى نىعايتۋ جانە ودان ءارى جالعاستىرۋ نيەتىن بىلدىرە وتىرىپ، جان- جاقتى ىنتىماقتاستىق پەن بىرلەسكەن جوبالاردى ىسكە اسىرۋعا دايىندىعىن بىلدىرگەن بولاتىن.
ايتا كەتەيىك، 2020 -جىلى قازاقستاندىق «رۋحاني جاڭعىرۋ» قوعامدىق دامۋ ينستيتۋتى قازاقستانداعى بالالار تەلەارنالارى مەن Youtube-ارنالارىنىڭ كونتەنتىن تۇتىنۋ بويىنشا ساۋالناما جۇرگىزە وتىرىپ، «قازاقستانداعى بالالار تەلەديدارى» الەۋمەتتىك زەرتتەۋىن جۇزەگە اسىرعان بولاتىن. ساۋالناماعا قاتىسقانداردىڭ سانى: بالالارى بار 1200 ەرەسەك ادام، ياعني رەسپوندەنتتى قۇرادى.
ماسەلەن، نۇر-سۇلتان، الماتى جانە شىمكەنت قالالارىنان ساۋالناماعا قاتىسقان قازاقستاندىقتار اراسىندا TiJi جانە Nickelodeon ارنالارى مەكتەپ جاسىنا دەيىنگى جانە مەكتەپ جاسىنداعى بالالاردىڭ اراسىندا تانىمالدىعى اتاپ ءوتىلدى.
وسىعان بايلانىستى، بەلگىلى Nickelodeon, TiJi بالالار تەلەارنالارىمەن كەلىسسوزدەر باستالىپ، 2021 -جىلى ولاردىڭ كونتەنتىن قازاق تىلىنە اۋدارۋ بويىنشا ۋاعدالاستىققا قول جەتكىزىلدى.
ايتا كەتۋ كەرەك، بالالار تەلەۆيزيالىق كونتەنتىن وندىرۋشىلەردى تاڭداۋ كەزىندە بالالار تەلەارنالارىنىڭ وسىنداي جوبالاردى ىسكە اسىرۋداعى تاجىريبەسى مەن حابار تاراتۋ تىلدەرىنىڭ سانى دا ەسكەرىلدى. ماسەلەن، «Nickelodeon» ارناسىنىڭ 70 ەلدە 22 تىلدە، « TiJi « ارناسىنىڭ 20 ەلدە 14 تىلدە حابار تاراتۋ تاجىريبەسى بار. جوبا مەملەكەتتىك ءتىلدىڭ قولدانىلۋ اياسىن كەڭەيتۋ جانە وسكەلەڭ ۇرپاق اراسىندا انا ءتىلىن قۇرمەتتەۋ دەڭگەيىن ارتتىرۋ ماقساتىنداعى ق ر ا ق د م شارالارىنىڭ ءبىرى بولدى.
«ءتىلدى وڭاي ءارى ەركىن مەڭگەرۋ ءۇشىن بالالارعا ارنالعان قىزىقتى، تارتىمدى، مازمۇندى فيلمدەردى كورسەتۋ ماڭىزدى»، - دەپ اتاپ ءوتتى ق ر ا ق د م «رۋحاني جاڭعىرۋ» باعدارلاماسىن ۇيلەستىرۋ دەپارتامەنتىنىڭ ديرەكتورى ۇلىقبەك تناليەۆ.
