بومبا قويىلعانى حابارلانعان شىمكەنت اۋەجايىنىڭ ادامدارى ەۆاكۋاتسيالاندى - ۆيدەو

شىمكەنت. قازاقپارات - بۇگىن تۇندە بەلگىسىز بىرەۋلەر شىمكەنتتىڭ اۋە ايلاعىنا بومبا قويىلعانى تۋرالى حابارلاما تاراتقان، دەپ حابارلايدى قازاقپارات ءتىلشىسى.

الەۋمەتتىك جەلىلەرگە تاراعان ۆيدەودان اۋەجايدىڭ بارلىق قىزمەتكەرلەرى مەن جولاۋشىلار قاۋىپسىز جەرگە شىعارىلىپ جاتقانىن كورۋگە بولادى.

«15-جەلتوقسان كۇنى ساعات 02:00-دە شىمكەنت اۋەجايىنىڭ ەلەكتروندى پوشتاسىنا اۋەجاي عيماراتىندا بومبا قويىلعاندىعى تۋرالى حابارلاما كەلىپ ءتۇستى. بارلىق قىزمەتتەرگە حابارلاندى»، - دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگىنىڭ حابارلاماسىندا.

ۆەدومستۆونىڭ مالىمەتىنشە، اۋەجاي تەرمينالىندا ادامدار ەۆاكۋاتسيالانعان. پوليتسيا مەن قالالىق ۇلتتىق قاۋىپسىزدىك كوميتەتى اۋەجاي قىزمەتىمەن بىرلەسىپ، ارنايى ءىس- شارالار وتكىزگەن.

ناتيجەسىندە، شىمكەنت اۋەجايىنا بومبا قويىلعانى تۋرالى حابارلاما جالعان بولىپ شىقتى. ال كولىكتەگى پوليتسيا دەپارتامەنتىنىڭ باسپا ءسوز قىزمەتى بۇل دەرەك قىلمىستىق كودەكستىڭ 273-بابى «تەرروريزم اكتىسى تۋرالى كورىنەۋ جالعان حابارلاۋ» بويىنشا تىركەلگەندىگىن ءمالىم ەتتى. وزگە اقپارات تەرگەۋ مۇددەسىنە سايكەس جاريا ەتۋگە جاتپايتىنى ايتىلدى.

اۆتور: قايرات زاينيشەۆ