سوت وتىرىستارىن وتكىزبەستەن شەشىم شىعارىپ كەلگەن سۋديا بوستاندىعىنان ايرىلدى
ىستەر باسپانا جانە جەردى ساتۋ-ساتىپ الۋعا قاتىستى بولعان، دەپ حابارلايدى قازاقپارات ق ر سىبايلاس جەمقورلىققا قارسى ءىس- قيمىل اگەنتتىگىنە سىلتەمە جاساپ.
«بيىلعى 10-جەلتوقساندا شيەلى اۋداندىق سوتىنىڭ سۋدياسى قۇرمانباي مەن ونىڭ حاتشىسى قىدىراليەۆاعا قاتىستى ايىپتاۋ ۇكىمى شىعارىلدى. ولارعا تيىسىنشە 2 جىل 6 ايعا جانە 2 جىلعا باس بوستاندىعىنان ايىرۋ جازاسى تاعايىندالدى (قىدىراليەۆانىڭ كامەلەتتىك جاسقا تولماعان 4 بالاسى، ونىڭ ىشىندە 1 ەمىزۋلى بالاسى بولعاندىقتان، جازاسى كەيىنگە قالدىرىلدى).
قۇرمانباي جالعان ادىلەتسىز سوت اكتىلەرىن شىعارعانى (ق ك 369-بابى 3-بولىگى) جانە قىزمەتتىك جالعاندىق جاساعانى ءۇشىن (ق ك 418-بابى 1-بولىگى) كىنالى دەپ تانىلدى. قىدىراليەۆا سىبايلاستىعى ءۇشىن قىلمىستىق جاۋاپكەرشىلىككە تارتىلدى»، - دەلىنگەن حابارلامادا.
اتاپ ايتقاندا، قۇرمانباي سوت وتىرىستارىن ناقتى وتكىزبەستەن، سونداي-اق جالعان مالىمەتتەر ەنگىزۋ ارقىلى 12 ازاماتتىق ءىس بويىنشا شەشىم شىعارعان. ىستەر تۇرعىن ۇيلەر مەن جەر تەلىمدەرىن ساتۋ- ساتىپ الۋ مامىلەلەرىن جارامدى دەپ تانۋعا قاتىستى.
«سوتتالۋشىلاردىڭ جاس بالالارى بولعاندىقتان، سوت قۇرمانبايدىڭ جازاسىن 5 تەن 2,6 جىلعا دەيىن، قىدىراليەۆانىڭ جازاسىن 4 تەن 2 جىلعا دەيىن جەڭىلدەتەتىن جاعداي دەپ تانىدى. سونداي-اق، ولار ءومىر بويىنا مەملەكەتتىك قىزمەتتە لاۋازىم اتقارۋ قۇقىعىنان ايىرىلدى. قۇرمانباي سوت زالىندا قاماۋعا الىندى. ۇكىم زاڭدى كۇشىنە ەنگەن جوق»، - دەدى اگەنتتىكتەن.
