ەۋروپانىڭ ەجەلگى كينوتەاترىندا «جۇلدىزدار توعىسقاندا» فيلمى كورسەتىلدى
شارانى ستراسبۋرگ قالاسىنداعى ق ر باس كونسۋلدىعى فرانسياداعى قازاقستان كينوسى كينوفەستيۆال قاۋىمداستىعىمەن بىرلەسىپ، 1913-جىلدان بەرى جۇمىس ىستەپ كەلە جاتقان «وديسسەي» كينوتەاترىندا ۇيىمداستىردى.
فرانسيانىڭ ۇلكەن شىعىس ايماعىنىڭ جانە ستراسبۋرگ قالاسىنىڭ رەسمي تۇلعالارى، ەۋروپا كەڭەسىنىڭ وكىلدەرى، ەۋروپا پارلامەنتىنىڭ دەپۋتاتتارى، شەت ەل ەلشىلەرى مەن ديپلوماتتارى، فرانسۋز ستۋدەنتتەرى مەن جۋرناليستەرى قازاقستاننىڭ كوپعاسىرلىق دامۋ تاريحىمەن، قازاق مەملەكەتىن قالىپتاستىرۋدىڭ ماڭىزدى كەزەڭدەرىمەن تانىستى. باس كونسۋل انۋاربەك احمەتوۆ ءوز سوزىندە شەتەلدىك قوناقتارعا وسى كينوفيلمدە ەرەكشە كورسەتىلگەن تاۋەلسىز قازاقستاننىڭ قالىپتاسۋىنداعى تۇڭعىش پرەزيدەنت - ەلباسى نۇرسۇلتان نازاربايەۆتىڭ ءرولى تۋرالى ايتىپ بەردى.
2019-جىلعى ماۋسىمدا سايلانعان قازاقستان پرەزيدەنتى قاسىم-جومارت توقايەۆ قازىرگى ۋاقىتتا رەسپۋبليكانىڭ ودان ءارى دەموكراتيالىق دامۋىنا باعىتتالعان اۋقىمدى ساياسي جانە الەۋمەتتىك-ەكونوميكالىق رەفورمالار جۇرگىزىپ جاتقانى اتاپ ءوتىلدى. سونداي-اق، قوناقتار قازاقستاننىڭ تاۋەلسىزدىك جىلدارىنداعى ساياسي، ەكونوميكالىق جانە مادەني- گۋمانيتارلىق دامۋ سالاسىنداعى جەتىستىكتەرىنە ارنالعان فوتوسۋرەت كورمەسىمەن تانىستى.
