سەمەيدەگى اباي مۋزەيى تاۋەلسىزدىك جىلدارى قالاي دامىدى؟
جىل سايىن مۋزەيدەگى بولىمشەلەر سانى ءوسىپ كەلەدى. ال ەكسپوزيتسيالار جاڭا بىرەگەي جادىگەرلەرمەن تولىقتىرىلۋدا. ۋاقىت وتە كەلە مۋزەيدىڭ سىرتقى كەلبەتى دە وزگەردى.
بۇگىندە زاماناۋي عيمارات بارلىق قاجەتتى زاتتارمەن جابدىقتالعان.
«بيىل ەلىمىز تاۋەلسىزدىكتىڭ 30 جىلدىعىن اتاپ وتۋدە. وسى جىلدار ىشىندە مۋزەيىمىز قارقىندى دامىدى. ەگەمەندىكتىڭ العاشقى جىلدارىندا ول مۋزەي-قورىق رەتىندە قايتا قۇرىلدى. مۇنداعى بولىمشەلەردىڭ كوبى سول ۋاقىتتا اشىلدى. قازىردە ءبىز قازاقستانداعى ەڭ ءىرى مۋزەيلەردىڭ قاتارىندامىز. ۇلى ابايدىڭ 150 جىلدىعى، كەيىننەن 175 جىلدىعىندا مەملەكەت تاراپىنان ۇلكەن قولداۋلار كورسەتىلدى. ماڭىزدى ءىس-شارالار وتكىزىلىپ، اباي-شاكارىم كەسەنەسىن قالپىنا كەلتىرۋ جۇمىستارى جۇرگىزىلدى»، - دەدى اباي مۋزەيىنىڭ ديرەكتورى مەيرامگۇل قايرامبايەۆا.
مۋزەيدىڭ بارلىق زالدارىنا ءۇش تىلدە مالىمەت بەرەتىن اقپاراتتىق تاقتالار ورناتىلعان.
ەكسپونات تۋرالى دەرەكتەردى كەلۋشىلەر QR- كودتى سكانەرلەۋ ارقىلى بىلە الادى.
كوپتىڭ نازارىنا حاكىمنىڭ كوزى تىرىسىندە ءوز قولىمەن ولكەتانۋ مۋزەيىنە تابىستاعان ەكسپوناتتارى ۇسىنىلعان.
