جاڭا رەتتەۋشىلىك ساياسات نەنى بىلدىرەدى
بۇل ساۋالعا ق ر ۇلتتىق ەكونوميكا مينيسترلىگى كاسىپكەرلىكتى دامىتۋ ساياساتى دەپارتامەنتىنىڭ ديرەكتورى ەريك جامبىلوۆ جاۋاپ بەردى، دەپ حابارلايدى قازاقپارات ءتىلشىسى.
ەلىمىزدە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەت سالاسىنداعى جاڭا رەتتەۋشىلىك ساياساتتى ەنگىزۋ جانە ق ر ىشكى ىستەر ورگاندارىنىڭ جەكەلەگەن فۋنكسيالارىن قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەنگەنى بەلگىلى.
زاڭ جوباسى اياسىندا قازاقستانداعى كاسىپكەرلىك قىزمەت سالاسىنداعى جاڭا رەتتەۋشىلىك ساياساتتىڭ ماقساتتارى، مىندەتتەرى، بازالىق قاعيداتتارى مەن جاڭا تاسىلدەرى زاڭنامالىق تۇرعىدان بەكىتىلەدى. سونداي-اق ىشكى ىستەر ورگاندارىنىڭ كەيبىر فۋنكسيالارىن قايتا ءبولۋ كوزدەلەدى.
دەپارتامەنت ديرەكتورىنىڭ اتاپ وتۋىنشە، ءوزارا ءىس-قيمىلدىڭ بازالىق قاعيداتتارىن جەتىلدىرۋ كاسىپكەرلىك سۋبەكتىلەرىنىڭ مەملەكەتكە سەنىمىن جانە بيزنەس-ورتانى رەتتەۋدىڭ تيىمدىلىگىن ارتتىرۋعا مۇمكىندىك بەرەدى.
«بۇل - تالاپتاردى بەلگىلەۋ شارتتارىن ساقتاۋ؛ كاسىپكەرلىك سۋبەكتىلەرى ءۇشىن نەگىزسىز رەتتەۋشىلىك تالاپتاردى ەنگىزۋگە جول بەرمەۋ؛ مەملەكەتتىك رەتتەۋدىڭ جۇيەلىلىگى مەن دايەكتىلىگى، بۇرىن قابىلدانعان شەشىمدەردىڭ ساباقتاستىعى؛ سونداي-اق مەملەكەتتىڭ كاسىپكەرلىك سۋبەكتىلەرىنە دەگەن سەنىمىن ارتتىرۋ. زاڭ جوباسىندا كاسىپكەرلىك سۋبەكتىسى وندىرەتىن جانە وتكىزەتىن تاۋارلاردىڭ، جۇمىستاردىڭ، كورسەتىلەتىن قىزمەتتەردىڭ ادامداردىڭ ءومىرى مەن دەنساۋلىعى ءۇشىن قاۋىپسىزدىگىن، ولاردىڭ زاڭدى مۇددەلەرىن قورعاۋدى، قورشاعان ورتا ءۇشىن قاۋىپسىزدىكتى، قازاقستان رەسپۋبليكاسىنىڭ ۇلتتىق قاۋىپسىزدىگىن، مەملەكەتتىڭ مۇلىكتىك مۇددەلەرىن قورعاۋدى قامتاماسىز ەتۋدەن باسقا، كاسىپكەرلىكتى مەملەكەتتىك رەتتەۋ ماقساتتارىن كەڭەيتۋ، سونداي-اق ەل ەكونوميكاسىنىڭ ءوسۋىن ىنتالاندىراتىن كاسىپكەرلىكتى دامىتۋ ءۇشىن قولايلى جاعدايلار جاساۋدى ايقىنداۋ ۇسىنىلادى»، دەپ تۇسىندىرەدى ەريك جامبىلوۆ.
ونىڭ ايتۋىنشا، مۇنان باسقا ادامداردىڭ ءومىرى مەن دەنساۋلىعىن، قورشاعان ورتانى قورعاۋعا؛ ۇلتتىق ەكونوميكاعا ينۆەستيتسيالار تارتۋدى ىنتالاندىراتىن رەتتەۋشى ورتانى جانە يننوۆاتسيالىق قىزمەت ءۇشىن قولايلى ەكوجۇيەنى قالىپتاستىرۋعا؛ ادال باسەكەلەستىكتى دامىتۋ ءۇشىن جاعداي جاساۋعا؛ كاسىپكەرلەردىڭ ىسكەرلىك بەدەلىنە نەگىزدەلگەن بيزنەستى ادال، ەتيكالىق جۇرگىزۋدى ىنتالاندىرۋعا؛ ءوزىن-ءوزى رەتتەۋدى دامىتۋعا جاردەمدەسۋگە جانە تۇتىنۋشىلاردىڭ قۇقىقتارىن قورعاۋعا باعىتتالعان رەتتەۋدىڭ جاڭا مىندەتتەرى ايقىندالعان.
«زاڭ جوباسىندا رەتتەگىش قۇرالداردى قالىپتاستىرۋ شارتتارىن ايقىندايتىن كاسىپكەرلىك كودەكستە جاڭا باپ كوزدەلەدى. رەتتەگىش قۇرالداردى، ونىڭ ىشىندە تالاپتاردى قالىپتاستىرۋدىڭ نەگىزگى شارتى ازاماتتاردىڭ دەنساۋلىعىن، ەكولوگيانى، مەملەكەتتىڭ قورعانىسى مەن قاۋىپسىزدىگىن قورعاۋ بولىپ سانالادى. وسىلايشا، مەملەكەت ەنگىزگەن كەز كەلگەن بيزنەس تالابى ازاماتتاردىڭ دەنساۋلىعىن، ەكولوگيانى، مەملەكەتتىڭ قورعانىسى مەن قاۋىپسىزدىگىن قورعاۋعا باعىتتالۋى كەرەك»، - دەدى ول.
ال «1 in 2 out» قاعيداتىن ەنگىزۋ، ول بىرەۋىن ەنگىزۋ كەزىندە قولدانىستاعى ەكى تالاپتى الىپ تاستاۋدى كوزدەيدى. وسىعان وراي ەريك جامبىلوۆ كاسىپكەرلىك سالاسىنداعى مىندەتتى تالاپتاردىڭ ءتىزىلىمىن ەنگىزۋ دەگەنىمىز نە ەكەندىگىن ءتۇسىندىرىپ بەردى.
«ءتىزىلىم نورماتيۆتىك-قۇقىقتىق اكتىلەردىڭ جانە نورماتيۆتىك-تەحنيكالىق قۇجاتتاردىڭ، سونداي-اق كاسىپكەرلىك سۋبەكتىلەرىنە قويىلاتىن تالاپتاردىڭ دەرەكقورى سانالادى. تىزىلىمدە نورماتيۆتىك-قۇقىقتىق اكتىلەردىڭ جاڭا رەتتەۋشىلىك ساياساتقا سايكەستىگىن قاراۋ مەرزىمدەرى ايقىندالاتىن بولادى. سايكەس كەلمەگەن جاعدايدا قۇقىقتىق اكتىلەر قايتا قارالۋعا نەمەسە جويىلۋعا ءتيىس.
ءتىزىلىم مىنالاردى قامتاماسىز ەتۋگە مۇمكىندىك بەرەدى:
كاسىپكەرلەر ءۇشىن - كاسىپكەرلىك قىزمەتتىڭ جەكەلەگەن تۇرلەرى بولىنىسىندە كاسىپكەرلىك سۋبەكتىلەرىنە قاتىستى قولدانىلاتىن تالاپتاردىڭ بارلىق جيىنتىعىنىڭ سانى، قۇرامى، قولدانىلۋ مەرزىمدەرى جانە ءوزارا بايلانىسى تۋرالى تولىق كورىنىستى؛ تۇتىنۋشىلار ءۇشىن - كاسىپكەرلىك سۋبەكتىلەرىنە قويىلاتىن قولدانىستاعى تالاپتار تۋرالى اقپاراتتىڭ قاراپايىمدىلىعى مەن قولجەتىمدىلىگىن»، - دەدى دەپارتامەنت ديرەكتورى.
زاڭ جوباسى مەملەكەتتىك باقىلاۋ جۇيەسىن جەتىلدىرۋدى دە كوزدەيدى. وسى رەتتە ۇ ە م وكىلى جاڭا ءتاسىل تەك رۇقسات بەرۋ تالاپتارىنا سايكەستىگىن تەكسەرۋدى جانە ناقتى فاكتىلەر مەن ءمان-جايلار بويىنشا تاعايىندالاتىن جوسپاردان تىس تەكسەرۋلەردى كوزدەيتىندىگىن ايتادى.
ەرەكشە ءتارتىپ بويىنشا (8 سالادا) جۇرگىزىلەتىن تەكسەرۋلەر تاۋەكەل دارەجەسىن باعالاۋ نەگىزىندە جويىلادى. بۇل رەتتە زاڭ جوباسىندا وسى سالالاردا قاداعالاۋ فۋنكتسياسىن - اكىمشىلىك ىستەردى قوزعاماي جەدەل دەن قويۋ ءىشارالارىن قولدانۋ ارقىلى الدىن الۋ باقىلاۋدى كۇشەيتۋ ۇسىنىلادى. سونداي-اق، زاڭ جوباسىندا: باقىلاۋدىڭ جاڭا نىسانىن ەنگىزۋ-كاسىپكەرلىك سۋبەكتىلەرىن زاڭسىز جاۋاپكەرشىلىككە تارتۋ مۇمكىندىگىن بولدىرماي، زاڭنامانىڭ شىنايى بۇزۋشىلارىن انىقتاۋعا مۇمكىندىك بەرەتىن تەرگەۋ؛ باقىلاۋشى مەملەكەتتىك ورگانداردىڭ الدىمەن پروفيلاكتيكالىق باقىلاۋدى بارماي- اق جۇرگىزۋ، سودان كەيىن عانا پروفيلاكتيكالىق باقىلاۋ ناتيجەلەرى بويىنشا بارماي-اق كاسىبي باقىلاۋدى بارۋ ارقىلى جۇرگىزۋ مىندەتىن بەكىتۋ قاراستىرىلادى.
«اكىمشىلىك جۇكتەمەنى تومەندەتۋ ماقساتىندا ەسەپ بەرۋ اۆتوماتتاندىرىلماعان جاعدايدا ونى تالاپ ەتۋگە زاڭ جۇزىندە تىيىم سالۋ كوزدەلۋدە. وسىلايشا، مەملەكەتتىك ورگان، ەگەر ول ەسەپتىلىكتى بالامالى - ەلەكتروندىق نىساندا بەرۋ مۇمكىندىگىن قۇرماسا، ەسەپتىلىكتى قاعاز نىسانىندا ۇسىنۋدى تالاپ ەتە المايدى»، - دەپ اتاپ وتەدى سپيكەر.
سونىمەن قاتار زاڭ جوباسىندا ىشكى ىستەر ورگاندارىن حالىقتىڭ كوشى-قونى سالاسىنداعى ۆەدومستۆوارالىق ۇيلەستىرۋمەن، كوشى-قون پروتسەستەرىنىڭ مونيتورينگىمەن، ەڭبەكشى كوشىپ كەلۋشىلەرگە رۇقساتتار بەرۋمەن بايلانىستى فۋنكتسيالارىن ەڭبەك جانە حالىقتى الەۋمەتتىك قورعاۋ مينيسترلىگىنە بەرۋ ارقىلى بەيىندى ەمەس قىزمەتتەن بوساتۋ كوزدەلگەن. سونىمەن قاتار دەنساۋلىق ساقتاۋ مينيسترلىگىنە ۇستالاتىن ادامداردى مەديتسينالىق قامتاماسىز ەتۋ جونىندەگى فۋنكتسيالار مەن وكىلەتتىكتەردى: قىلمىستىق-اتقارۋ جۇيەسىنىڭ تەرگەۋ يزولياتورلارىندا 2022-جىلعى 1- شىلدەدەن؛ قىلمىستىق-اتقارۋ جۇيەسى مەكەمەلەرىندە 2023-جىلدىڭ 1- قاڭتارىنان باستاپ بەرۋ قاراستىرىلادى.
ال جەرگىلىكتى اتقارۋشى ورگاندارعا پروباتسيا قىزمەتىنىڭ ەسەبىندە تۇرعان ادامدارعا الەۋمەتتىك-قۇقىقتىق كومەك كورسەتۋ جونىندەگى فۋنكتسيالاردى بەرۋ جولىمەن بوساتۋ جوسپارلانعان.
«فۋنكتسيالاردى بەرۋ بولىگىندە قابىلداناتىن شارالار كوشى-قون ساياساتىن قالىپتاستىرۋدى، تەرگەۋ يزولياتورلارى مەن قىلمىستىق-اتقارۋ جۇيەسى مەكەمەلەرىندە ۇستالاتىن ادامدارعا كورسەتىلەتىن مەديتسينالىق كومەكتىڭ ساپاسىن جاقسارتۋعا، ومىرلىك قيىن جاعدايدا جۇرگەن ادامدارعا ارناۋلى الەۋمەتتىك قىزمەتتەر كورسەتۋ جونىندەگى فۋنكسيالاردىڭ قايتالانۋىن بولدىرماۋعا مۇمكىندىك بەرەدى»، - دەدى ەريك جامبىلوۆ.
