ەلوردادا مەرەكە كۇندەرى اۋىل شارۋاشىلىعى ونىمدەرىنىڭ جارمەڭكەسى وتەدى

نۇر-سۇلتان. قازاقپارات - ەلوردادا 16-19- جەلتوقسان ارالىعىندا اۋىل شارۋاشىلىعى ونىمدەرىنىڭ جارمەڭكەسى ۇيىمداستىرىلادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

كەلۋشىلەر تاڭعى 8 دەن كەشكى بەسكە دەيىن قاجەتتى ونىمدەردى الا الادى. ءوز ونىمدەرىن اقمولا، پاۆلودار، قاراعاندى، شىعىس قازاقستان وبلىستارىنىڭ تاۋار وندىرۋشىلەرى، سونداي-اق استانالىق اگرارشىلار ۇسىنادى.

جارمەڭكەدە ازىق-تۇلىك ونىمدەرىنىڭ بارلىق تۇرلەرى ساتىلادى: ءسۇت، باكالەيا، شۇجىق، ۇن، بالىق جانە ت. ب.

كەلۋشىلەر سيىر ەتىن شامامەن 2000 تەڭگەگە، جىلقى ەتىن - 2200 تەڭگەگە، قازى، جايانى - 2500 تەڭگەگە ساتىپ الا الادى.

ايتا كەتۋ كەرەك، جارمەڭكە سانيتارلىق نورمالاردى ساقتاي وتىرىپ وتكىزىلەدى.

كەلۋشىلەر مەن قاتىسۋشىلار بەتپەردە كيۋى كەرەك، قول گيگيەناسى مەن الەۋمەتتىك قاشىقتىقتى ساقتاۋى كەرەك.

بۇدان ءارى جارمەڭكە اپتا سايىن ءار سەنبى جانە جەكسەنبى كۇندەرى مىنا مەكەن-جايدا وتەدى: پريگورودنىي تۇرعىن الابى، ارناساي كوشەسى، 109 عيمارات.