قازاقتىڭ قارشاداي ۇلى ەۋروپا تەننيسى رەيتينگىندە كوش باستادى
قازاقستان تەننيس فەدەراتسياسى ءمالىم ەتكەنىندەي، زاڭعار نۇرلان ۇلى 14 جاسقا دەيىنگىلەر اراسىندا 255 ۇپايمەن كوش باستادى.
ز. نۇرلان ۇلى 2021-جىلى TE سەرياسى بويىنشا وتكەن التى جارىسقا قاتىسىپ، جەكەلەي سىندا سونىڭ ەكەۋىندە جەڭىمپاز اتاندى. وسى جاستاعىلار اراسىندا سونداي-اق قازاقستاندىقتار دەميد گورباچيەۆ (36-ورىن) پەن دانيەل تازابەكوۆ (45-ورىن) ۇزدىك ەلۋلىككە كىردى.
Junior Masters - ءىرى سپورتتىق ءىس-شارا، وعان ەۋروپاداعى 14 جانە 16 جاسقا دەيىنگىلەر اراسىنداعى ەڭ مىقتى تەننيسشىلەر (8 بوزبالا، 8 قىز) قاتىسادى.
كەزىندە وسى دودادا رافاەل نادال، كيم كلەيستەرس، الەكساندر زۆەريەۆ، بەليندا بەنچيچ سەكىلدى تەننيسشىلەر چەمپيون اتانعان.
جارىس مونتە-كارلوداعى اتاقتى توپىراق توسەنىشىندەگى كورتتاردا وتەدى.
ەسكە سالا كەتەيىك، بۇدان بۇرىن ءۇش قازاقستاندىق تەننيسشىنىڭ جاستار اراسىندا اۋستراليا اشىق بىرىنشىلىگىندە ونەر كورسەتەتىنىن جازعان بولاتىنبىز.
