رەسەي مەكتەپتەرىندە قازاق ءتىلى وقىتىلادى
بۇل تۋرالى قازاقستان- رەسەي جەتىنشى ۇكىمەتارالىق كوميسسيا وتىرىسىندا ايتىلدى. ەكىجاقتى كەلىسىم ارقىلى رەسەي فەدەراتسياسىنىڭ وقۋ جۇيەسىمەن ءبىلىم الاتىن قازاقستان ازاماتتارىنا مەملەكەتتىك ءتىلىن دامىتۋعا، پاتريوتتىق جانە رۋحاني تۇرعىدا تاربيە الۋىنا جاعداي جاسالادى.
سونداي- اق ولارعا قازاقستان رەسپۋبليكاسىنىڭ زاڭناماسىنا سايكەس مەملەكەتتىك ءبىلىم گرانتتارىن يەلەنۋگە تەڭ قۇقىق بەرىلەدى. قازىرگى قالاشىقتا ون مىڭداي وقۋشى 12 مەكتەپتە ءبىلىم الادى. ونىڭ بەسەۋى وتاندىق، قالعانى رەسەيلىك ءبىلىم بەرۋ ستاندارتى بويىنشا وقىتىلادى. سونىمەن قاتار كوميسسيا وتىرىسىندا «بايقوڭىر» كەشەنىندەگى پايدالانىلماي تۇرعان نىسانداردى جالعا بەرۋدەن شىعارۋ جانە كادەگە جاراتۋ جونىندە كەلىسىمدەر جاسالدى. ودان بولەك جىلۋ ەلەكتر ستانسياسىنا تابيعي گازدى جەتكىزۋ ماسەلەلەرى بويىنشا ەكىجاقتى تاراپتاردىڭ ۇستانىمىنا قاراي ورتاق شەشىم قابىلداناتىن بولادى.
