قازاقستاندا ەر ادامداردىڭ جالاقىسى ايەلدەرگە قاراعاندا نەگە جوعارى
اقپارات رەسۋرسى بيىل ەلدەگى ايەلدەردىڭ ورتاشا نومينالدى ايلىعى قانشا بولعانىن ەسەپتەپ، ەرلەردىڭ ايلىعىمەن سالىستىرعان. «بيىل ايەلدەردىڭ ورتاشا نومينالدى جالاقىسى 202,3 مىڭ تەڭگە بولدى. سالىستىرساق، ەرلەردىڭ كورسەتكىشى 246,3 مىڭ تەڭگەگە جەتكەن. بىردەي سالادا جۇمىس ىستەيتىن ەرلەر ايەلدەرگە قاراعاندا %21,7 جوعارى جالاقى الادى. اسىرەسە بالىق اۋلاۋ جانە اكۆا شارۋاشىلىقتا (%70,7)، قارجى جانە ساقتاندىرۋ قىزمەتىندە (%46,6)، اكىمشىلىك جانە قوسالقى قىزمەت كورسەتۋ سالاسىندا (%31,2)، تاۋ- كەن ونەركاسىبىندە (%27,2 ايىرماشىلىق جوعارى»، - دەپ جازىلعان تالداۋدا.
تابىس تەڭسىزدىگىن باسقا قۇرالدار ارقىلى وتەۋ ءۇشىن «وتباسى بانكتىڭ» «ۇماي» يپوتەكاسىن ىسكە قوسقانى دا ايتىلادى. بۇل شارا ازيا دامۋ بانكىنىڭ قولداۋىمەن ىسكە اسىپ وتىر. بۇدان ءارى Energyprom « ۇماي» باعدارلاماسىن ەلدەگى ەكىنشى دەڭگەيلى بانكتەرى ۇسىناتىن نەسيە ونىمدەرىمەن سالىستىرعان.
ايتا كەتەيىك، قازاقستان بيىل گەندەرلىك تەڭدىكتىڭ جاھاندىق رەيتينگىندە 156 مەملەكەت اراسىنان 80-ورىنعا تابان تىرەدى.
«رەيتينگىدە قازاقستاننان جوعارى تۇرعان ەلدەردىڭ ىشىندە ۋكراينا مەن بەلارۋس تە بار. ازىرگە گەندەرلىك تەڭدىك دەڭگەيى بويىنشا قازاقستان رەسەيمەن بىرگە تايلاند پەن تانزانيا اراسىندا قالىپ وتىر»، - دەپ جازادى Energyprom.
اۆتور: ەسىمجان ناقتىباي
