الەمنىڭ كەي ەلدەرىندە تابيعات اپاتتارى تاعى جيىلەدى
ا ق ش- تىڭ بىرنەشە شتاتىندا ەكى كۇننىڭ ىشىندە ونداعان قۇيىن سوعىپ، 100 گە جۋىق ادام كوز جۇمدى. اپاتتان وراسان زور شىعىن كەلگەن. برازيليادا تولاسسىز جاۋىن مەن سۋ تاسقىنىنان 50 قالادا توتەنشە جاعداي جاريالاندى.
ا ق ش- تا سوڭعى ەكى كۇندە كەنتۋككي، ميسسۋري، اركانزاس، يللينويس پەن تەننەسسي شتاتتارىندا 30 دان اسا قۇيىن سوعىپ، 100 گە جۋىق ادام كوز جۇمدى. ساعاتىنا 240 شاقىرىم جىلدامدىقپەن ۇيىتقىعان دۇلەي جەل ونداعان قالانى جەرمەن جەكسەن ەتتى. اسىرەسە، كەنتۋككي شتاتى ايتارلىقتاي زارداپ شەكتى. ەڭ كوپ ادام شىعىنى دا وسى شتاتتتا.
مەيفيلد قالاسىندا مايشام جاسايتىن زاۋىت توبەسى قۇلاپ، 40 ادام كوز جۇمعان. ۇيىندىلەر استىندا ءالى ونداعان ادام بولۋى مۇمكىن. قۇتقارۋ جۇمىستارى جالعاسىپ جاتىر. جالپى تابيعات اپاتىنان مىڭداعان ادام زارداپ شەگىپ، جۇزدەگەن تۇرعىن جارىقسىز قالدى. پرەزيدەنت دجو بايدەن كەنتۋككي شتاتىندا توتەنشە جاعداي جاريالادى. قازىر تابيعات اپاتىنىڭ سالدارىمەن كۇرەس جالعاسىپ جاتىر.
روك فولي، جەرگىلىكتى تۇرعىن:
- مەن اس ۇيدە وتىرعام ەدىم. ءبىر كەزدە قاتتى دىبىس ەستىلىپ، دەرەۋ دالىزدەگى ەسىكتىڭ جانىنا باسىمدى بۇركەپ جاتا قالدىم. دۇلەي جەل ءۇيىمنىڭ ءبىر قابىرعاسىن جۇلىپ اكەتتى. بارلىعى 30 سەكۋندتا وتە شىقتى. ايتەۋىر، قۇداي ساقتاپ، امان قالدىم.
كانادادا داۋىلدان جۇزدەگەن مىڭ تۇرعىن جارىقسىز قالدى
كانادانىڭ شىعىسىنداعى ونتاريو شتاتىندا دا داۋىل سوعىپ، 200 مىڭنان اسا ادام جارىقسىز قالدى. ساعاتىنا 120 شاقىرىم جىلدامدىقپەن ۇيىتقىعان جەل جولىنداعى جۇزدەگەن اعاش مەن ەلەكتر باعاناسىن قۇلاتىپ، ۇيلەردىڭ شاتىرىن ۇشىرىپ اكەتتى. تابيعات اپاتى كەزىندە جاپا شەككەندەر تۋرالى اقپار جوق.
سۋ تاسقىنىنان 50 قالادا توتەنشە جاعداي جاريالاندى
ال برازيليانىڭ وڭتۇستىگىندە بىرنەشە كۇن بويى تولاسسىز جاۋعان جاڭبىردان بايا مەن ميناس- جەرايس شتاتى سۋ استىندا قالدى. تابيعات اپاتىنان 7 ادام وپات بولىپ، 200 گە جۋىق تۇرعىن جاراقات الدى. مىڭداعان ادام باسپاناسىنان ايىرىلىپ، 15 مىڭى قاۋىپسىز جەرگە كوشىرىلدى. ۇكىمەت قوس شتاتتىڭ 50 قالاسىندا توتەنشە جاعداي جاريالادى. سەلدەتىپ قۇيعان جاڭبىردان ونداعان قالا مەن اۋدان ءبولىنىپ قالعان. بىرنەشە كوپىر قيراپ، تاسجولداردى سۋ شايىپ كەتكەن. سينوپتيكتەر بۇل ەلدە سوڭعى 35 جىلدا تىركەلگەن ەڭ قاتتى تاسقىن دەپ وتىر.
«باررا» داۋىلىنىڭ سالدارى وتكەن كۇنى يسپانيانىڭ سولتۇستىگىندە دە «باررا» داۋىلى سوعىپ، جاڭبىر سەلدەتىپ، بىرنەشە ايماق سۋ تاسقىنان زارداپ شەگىپ جاتىر. نوسەردەن باسكونيا مەن ناۆاررانى باسىپ وتەتىن ەلبا وزەنى ارناسىنان اسىپ، كوپ مەكەندى سۋ باسقان. كەي جەرلەردە سۋ ءۇيدىڭ توبەسىنە دەيىن جەتەدى. تابيعات اپاتىنان 2 ادام وپات بولدى. جۇزدەگەن ادام قاۋىپسىز جەرگە كوشىرىلدى. بيلىك زارداپ شەككەن ايماققا 300 گە جۋىق سارباز، 102 ارنايى تەحنيكا مەن تىكۇشاق جىبەردى. قۇتقارۋ جۇمىسى جالعاسۋدا.
ەميليو كارريدو، جەرگىلىكتى تۇرعىن:
- مەن مۇنداي سۋ تاسقىنىن ەشقاشان كورگەن ەمەسپىن. كوپىر دە سۋ استىندا قالدى. ءۇيىمىز تۇرۋعا جارامسىز بولىپ قالدى. ۇلكەن شىعىنعا باتتىق. جاۋىننان ۆوسا وزەنى تاسىدى بالقانداعى البانيا ەلىندە دە داۋىل سوڭى جاڭبىرعا ۇلاسىپ، ەلدىڭ وڭتۇستىك- شىعىسنداعى ۆوسا وزەنى تاسىدى. سالدارىنان وسى وڭىردەگى تاۋلى جەرلەردە ورنالاسقان ونداعان اۋىلدى سۋ باسقان. كەي اۋدانداردان حالىقتى شۇعىل ەۆاكتسۋاتسيالاۋ جۇرگىزىلدى.
بيلىك جۋىق ارادا ۆوسا وزەنى قايتا ءتۇسىپ، جاعداي ءبىرشاما جاقسارار دەگەن ۇمىتتە. قاردان كولىك قاتىناسى تۇرالادى ال سەربيادا جاپالاقتاپ جاۋعان قاردان ەل استاناسى بەلگراد پەن وزگە دە قالالاردا كولىك قاتىناسى توقتاپ قالدى. قالىڭ قارعا شىداماي وپىرىلىپ سىنعان تالدار ەلەكتر سىمدارىن ءۇزىپ، ەلدىڭ باتىسىنداعى ءبىراز اۋداندى جارىقسىز قالدىردى. اۋا رايىنىڭ قولايسىزدىعىنان بەلگرادتاعى اۋەجايدان رەيستەر كەيىنگە شەگەرىلدى. قازىر تابيعات اپاتىنىڭ سالدارىمەن كۇرەس ءجۇرىپ جاتىر.
www.24.kz
