جاڭا جىلدان كەيىن ەلىمىزدەگى ەپيداحۋال قانداي بولماق؟
«بارلىق بولجام ءبىزدىڭ ءجۇرىس-تۇرىسىمىزعا بايلانىستى. ەلىمىزدە ورىن الاتىن احۋالدى ءوزىمىز قالىپتاستىرامىز. ەڭ الدىمەن ۆاكسيناتسيا الۋىمىز كەرەك. ونى ەستەن شىعارماۋىمىز ءارى ۇجىمدىق يممۋنيتەت قالىپتاستىرۋعا قاراي ىلگەرىلەي بەرۋدى جالعاستىرۋمىز قاجەت. بۇگىندە ول اۋىرىپ تۇرعانداردى ەسەپكە العاندا شامامەن 50 پايىزدى قۇرايدى»، - دەدى كوميتەت ءتوراعاسى «BaigeNews» Youtube ارناسىندا وتكەن سۇحبات بارىسىندا.
سونىمەن قاتار ول بۇعان دەيىن ۆاكسيناتسيا العاندار ريەۆاكسيناتسيا الۋى قاجەتتىگىن دە باسا ايتتى.
«قازىرگى ۋاقىتتا يممۋندىق قورعانىسىمىز تومەندەگەن جاعدايدا قوسىمشا دوزا الۋىمىز قاجەت. بۇعان قوسا، الەۋمەتتىك اراقاشىقتىقتى، ماسكا تاعۋدى ەستەن شىعارماعان ءجون. سونىمەن قاتار ادامدار كوپ جينالاتىن جەرگە مۇمكىندىگىمىزشە بارماعانىمىز دۇرىس»، - دەدى ايجان ەسماعامبەتوۆا.
