قىتايدا وميكرون شتامىن جۇقتىرۋدىڭ العاشقى جاعدايى تىركەلدى
بۇل تۋرالى دۇيسەنبى كۇنى جاريالانعان اۋرۋلاردى باقىلاۋ جانە الدىن الۋ جونىندەگى مۋنيتسيپالدىق ورتالىقتىڭ حابارلاماسىندا جازىلعان، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.
وميكرون شتامىن جۇقتىرعان ازامات شەتەلدەن كەلگەن. اۋرۋ سيمپتومسىز جالعاسۋدا، قازىرگى كەزدە ول وقشاۋلانعان جانە ارنايى بولىنگەن اۋرۋحانادا ەم قابىلداپ جاتىر.
«بۇل - قۇرلىقتىق قىتايداعى وميكرون شتامىن جۇتىرۋدىڭ ءبىرىنشى جاعدايى»، - دەلىنگەن تيانتسزين قالاسىنىڭ ەپيدەمولوگيالىق شتابىنىڭ حابارلاماسىندا.
قىتاي مەگاپوليسىنىڭ بيلىگى تۇرعىنداردى COVID-19-دىڭ الدىن الۋ جانە باقىلاۋ شارالارىن ۇستانۋعا، ماسكا تاعۋعا، قولدى ءجيى جۋۋعا جانە الەۋمەتتىك قاشىقتىقتى ساقتاۋعا شاقىرادى.
تيانتسزين - قىتايدىڭ ورتالىق باعىنىسىنداعى قالا، 13 ميلليوننان استام تۇرعىنى بار. ول ەل استاناسى بەيجىڭنەن 100 شاقىرىم جەردە ورنالاسقان.
