بوگەنباي باتىردىڭ دۋلىعاسى اسكەري-تاريحي مۋزەيگە تارتۋ ەتىلدى
دۋىلعانى اقمولا وبلىسى، ەرەيمەنتاۋ اۋدانى مالتابار اۋىلىنىڭ تۇرعىنى، اتى اڭىزعا اينالعان باتىردىڭ جەتىنشى ۇرپاعى جاباي كەنجالين ساقتاعان.
اسكەري تاريحي مۋزەي قىزمەتكەرلەرى جاڭا ەكسپوناتتى ەرەكشە تاريحي قۇندى جادىگەر ەكەنىن تىلگە تيەك ەتتى.
قانجىعالى بوگەنباي باتىر (1680-1778) - ءۇش ءجۇزدىڭ اسكەرىن باسقارعان قازاقتىڭ ۇلى قولباسشىسى. اقتىق دەمى قالعانشا قازاق ەلىنىڭ تاۋەلسىزدىگى جولىندا كۇرەسىپ، جوڭعار شاپقىنشىلىعى كەزىندە ەرلىك كورسەتكەن.
ءۇش عاسىر وتسە دە باتىردىڭ جەكە قارۋىنىڭ كەيبىرىن بالالارى كوزدىڭ قاراشىعىنداي ساقتاپ، ۇرپاقتان-ۇرپاققا جەتكىزدى.
شارا قازاقستان تاۋەلسىزدىگىنىڭ 30 جىلدىعىنا ورايلاستىرىلىپ، قازاق حالقىنىڭ اسكەر تاريحىنا قىزىعۋشىلىقتى ارتتىرۋعا، مۇراجاي ءىسىن دارىپتەۋگە باعىتتالدى.
سالتاناتتى راسىمگە «قارۋلى كۇشتەردىڭ ارداگەرلەرى» رەسپۋبليكالىق قوعامدىق بىرلەستىگى ءتوراعاسىنىڭ ورىنباسارى وتستاۆكاداعى گەنەرال-مايور مارات ناعۇمانوۆ قاتىستى.
