مەملەكەتتىك سىيلىق قاراجاتىن قايىرىمدىلىققا بەرەمىز - كۇنسۇلۋ زاكاريا
«وسىنداي مارتەبەلى اتاق ءۇشىن جوعارى جاۋاپكەرشىلىك سەزىمى دە بويدى كەرنەپ تۇر. بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ 63 جىلدىق تاريحى بار. وسى ارالىقتا ينستيتۋت عالىمدارى قاۋىپتى جانە اسا قاۋىپتى ينفەكسيالارعا قارسى 70 كە جۋىق ۆاكسينا ازىرلەدى. بۇل - بۇكىل ۇجىمنىڭ ەڭبەگى. ال بۇگىن بارلىق جىلدارداعى سول قاجىرلى ەڭبەكتى باعالاپ وتىر. بۇل ۆاكتسينالاردىڭ بارلىعى ءوز ۋاقىتىندا بيولوگيالىق قاۋىپسىزدىكتى قامتاماسىز ەتۋ ءۇشىن ۇلكەن ەكونوميكالىق ماڭىزعا يە بولدى. ءبىز سوڭعى ەكى جىلدا وراسان زور جۇمىس جۇرگىزدىك: العاشقى قازاقستاندىق QazVac ۆاكسيناسىن ازىرلەدىك، سىناقتان وتكىزدىك، مەديتسينالىق قولدانۋعا ەنگىزدىك جانە بيىلعى ءساۋىر ايىنان باستاپ شىعاردىق»، - دەيدى ك. زاكاريا.
ونىڭ ايتۋىنشا، پرەزيدەنت قاسىم-جومارت توقايەۆ عالىمداردىڭ جۇمىسىنا ءاردايىم قولداۋ كورسەتىپ، ازىرلەمەلەرگە ەرەكشە قىزىعۋشىلىق تانىتىپ وتىرعان.
«مەملەكەتتىك ماراپاتتى مەملەكەت باسشىسى قاسىم-جومارت توقايەۆتىڭ قولىنان العانىمدى ەرەكشە ماقتانىش تۇتامىن. پرەزيدەنت باستاپقىدا- اق ءبىزدىڭ جۇمىسىمىزدى قولدادى، جاڭا ازىرلەمەلەرگە جان- جاقتى قىزىعۋشىلىق تانىتتى. ۇكىمەت تە كومەك كورسەتتى. كوپتەگەن مينيسترلىكتەر مەن ۆەدومستۆولار جانە ءىس جۇزىندە بارلىق باق حالىقتى ءبىزدىڭ زەرتتەۋىمىز بەن ازىرلەمەلەرىمىزدىڭ بارىسى تۋرالى حاباردار ەتتى، سول ءۇشىن ولارعا جەكە راحمەتىمدى ايتامىن»، - دەدى ك. زاكاريا.
سونىمەن بىرگە، وتاندىق ۆاكسينانى ازىرلەۋشى «قازاقپارات» اگەنتتىگىنىڭ ۇجىمىنا اقپاراتتىق قولداۋ كورسەتكەنى ءۇشىن العىس ايتتى.
«قازاقپارات» اگەنتتىگىنە جەكە العىسىمدى بىلدىرگىم كەلەدى، ۆاكسينانى ازىرلەۋدىڭ العاشقى كۇندەرىنەن باستاپ، سىزدەر اقپاراتتىق سالادا قولداۋ كورسەتتىڭىزدەر.
حالىقتى اقپاراتتاندىرۋ بويىنشا بارلىق جۇمىستاردى جۇرگىزىپ، ۆاكسينالاۋدىڭ ماڭىزدىلىعىن تۇسىندىردىڭىزدەر، بۇل حالىق اراسىندا وسى كۇردەلى اۋرۋدىڭ الدىن الۋ مەن جويۋ ءۇشىن وتە قاجەت. كوپ راقمەت. بارشاڭىزدى ۇلى مەرەكەمىز - تاۋەلسىزدىك كۇنىمەن قۇتتىقتايمىن. بۇل ءبىزدىڭ اتا-بابالارىمىز ارمانداپ وتكەن تاۋەلسىزدىك»، - دەدى كۇنسۇلۋ زاكاريا.
ءسوز سوڭىندا عالىم QazVac وتاندىق ۆاكسيناسىن العاشقىلاردىڭ ءبىرى بولىپ سىناپ كورگەن ەرىكتىلەردىڭ ۇلەسىن ەرەكشە اتاپ ءوتتى.
«بيىك ازاماتتىق ۇستانىمىن كورسەتىپ، العاشقى قازاقستاندىق ۆاكسينانىڭ كلينيكالىق زەرتتەۋلەرىنە قاتىسقان 3244 ەرىكتىگە جەكە العىسىمدى بىلدىرگىم كەلەدى. ولار ءوز دەنساۋلىعىن تاۋەكەلگە تىكتى. قازىر ەكىنشى ۆاكتسينامىزدى سىناقتان وتكىزىپ جاتىرمىز، وعان تاراز قالاسى مەن جامبىل وبلىسىنان 300 گە جۋىق ادام قاتىسۋدا. بۇل شىن مانىندە بۇگىنگى كۇننىڭ ەرلىگى. ءبىز عىلىم مەن تەحنيكا سالاسىنداعى ستيپەندياتتار اتىنان بۇل سىيلىقتىڭ بىردە-ءبىر تەڭگەسىن الماۋدى ۇيعاردىق. ءبىز بۇل سومانى جامبىل وبلىسىنىڭ مۇقتاج تۇرعىندارىنا پاتەر الۋعا بەرەمىز. قايىرىمدىلىق رەتىندە ءبىز مۇقتاج ادامدارعا، باسپاناسىز ادامدارعا كومەكتەسكىمىز كەلەدى. ويتكەنى وتباسى ءۇشىن ەڭ باستىسى - ءوز ءۇيى»، - دەيدى كۇنسۇلۋ زاكاريا.
