سەناتتا تاۋەلسىزدىك كۇنىنە وراي سالتاناتتى جيىن ءوتتى
سەنات ءتوراعاسى سالتاناتتى جيىن بارىسىندا قاتىسۋشىلاردى تاۋەلسىزدىك كۇنىمەن قۇتتىقتاپ، ەلىمىزدىڭ وتكەن كەزەڭدەگى باستى جەتىستىكتەرىنە توقتالدى. ماۋلەن اشىمبايەۆ مەملەكەتتىڭ زاڭنامالىق بازاسىن نىعايتۋ بويىنشا اتقارىلعان جۇمىستار تۋرالى دا ايتتى.
«قازاقستان ەلباسى ساياساتىنىڭ ارقاسىندا تاۋەلسىزدىك جىلدارىندا ەلەۋلى تابىستارعا قول جەتكىزدى. بيلىكتىڭ ساباقتاستىعى بىزگە قول جەتكىزگەن جەتىستىكتەرىمىزدى ساقتاۋعا جانە ودان ءارى وركەندەي بەرۋگە مۇمكىندىك بەردى. سەنات بۇگىنگى تاڭدا پرەزيدەنتىمىزدىڭ ەلىمىزدى جاڭعىرتۋ باعدارىن زاڭنامالىق قولداۋ تۇرعىسىندا بەلسەندى جۇمىس ىستەپ كەلەدى»، - دەدى ماۋلەن اشىمبايەۆ.
سەنات دەپۋتاتتارىنان پالاتا ءتوراعاسىنىڭ ورىنباسارى نۇرلان ءابدىروۆ - Ⅲ دارەجەلى «بارىس» وردەنىمەن، پالاتا ءتوراعاسىنىڭ ورىنباسارى اسقار شاكىروۆ، سەناتورلار داۋرەن ادىلبەكوۆ، نۇرلان بەكنازاروۆ، نۇرتورە ءجۇسىپ، ساعىندىق لۇقپانوۆ پەن ابدالى نۇرالييەۆ - «پاراسات» وردەنىمەن، ولگا بۋلاۆكينا مەن ءلاززات رىسبەكوۆا - «قۇرمەت» وردەنىمەن ماراپاتتالدى.
سەنات اپپاراتى قىزمەتكەرلەرىنەن ءبولىم مەڭگەرۋشىلەرى كانالبەك رايىمبەكوۆ، نيكولاي تۋرەتسكي «قۇرمەت» وردەنىمەن، ءبولىم مەڭگەرۋشىسىنىڭ ورىنباسارى ەربول ءابدىراسىلوۆ - «ەرەن ەڭبەگى ءۇشىن» مەدالىمەن، باس كونسۋلتانتتار ەلميرا مۇحامەتجانوۆا جانە بولات ومار قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى.
