شۆەتسيا جاعالاۋىندا ەكى جۇك كەمەسى سوقتىعىسىپ قالدى

ستوكگولم. قازاقپارات - جەكسەنبىدەن دۇيسەنبىگە قاراعان كۇنى بريتاندىق جانە دانيالىق ەكى كەمە شۆەتسيانىڭ يستاد قالاسى مەن دانيانىڭ بورنحولم ارالىنىڭ اراسىنداعى سۋدا سوقتىعىستى.

اپات سالدارىنان كولەمى جاعىنان كىشىرەك Karin Hoej دانيالىق كەمەسى اۋدارىلىپ كەتكەن، دەپ حابارلايدى قازاقپارات ت ت اگەنتتىگىنە سىلتەمە جاساپ.

جاعالاۋ كۇزەتىنىڭ حابارلاۋىنشا، بەس ساعاتتان بەرى ولار ءالى تابىلمادى. جوعالعانداردى ىزدەستىرۋگە التى كىشى كەمە، ەكى ساۋدا كەمەسى جانە شۆەتسيا مەن دانيا تىكۇشاقتارى جۇمىلدىرىلعان.

دانيالىق TV 2 تەلەارناسىنىڭ حابارلاۋىنشا، جوعالعان ادامدار اۋدارىلىپ تۇسكەن كەمەنىڭ ىشىندە قالعان بولۋى دا مۇمكىن.

اپات تۋرالى حابار شۆەتسيانىڭ تەڭىز اكىمشىلىگىنە ساعات 04:30 دا Scot Carrier بريتاندىق كەمەسىنەن كەلىپ تۇسكەن.

ەكيپاج مۇشەلەرىنىڭ ايتۋىنشا، ولار سۋدان شىققان ادامداردىڭ ايقايىن ەستىگەن.

كەمەدەن رەزەڭكە قايىق تۇسىرىلگەن، الايدا بورتتان تۇسكەن ادامدار تابىلماي جاتىر.