ەرالى توعجانوۆ كوركەمدىك دەڭگەيى سىن كوتەرمەيتىن قويىلىمداردىڭ ساحنالانۋىن سىنعا الدى

نۇر- سۇلتان. قازاقپارات - بۇگىن پرەمەر- ءمينيستردىڭ ورىنباسارى ەرالى توعجانوۆتىڭ توراعالىعىمەن كينو جانە تەاتر سالاسىن دامىتۋ جونىندەگى كەڭەس وتىرىسى ءوتتى، دەپ حابارلايدى ق ر ۇكىمەتىنڭ باسپا ءسوز قىزمەتى.

وعان ءتيىستى ورتالىق مەملەكەتتىك جانە جەرگىلىكتى اتقارۋشى ورگان وكىلدەرى مەن مادەنيەت سالاسىنىڭ ماماندارى قاتىستى. كەڭەس بارىسىندا كينو جانە تەاتر سالاسىنداعى ءبىرقاتار پروبلەمالىق ماسەلەلەر مەن ولاردى جۇيەلى تۇردە شەشۋ جولدارى قاراستىرىلدى.

بۇگىنگى كۇنى قازاقستاندا 65 تەاتر بار، ونىڭ ىشىندە 54- ءى مەملەكەتتىك، 11- ءى جەكە مەنشىك. جالپى تاۋەلسىزدىك جىلدارىندا قازاقستاندا 21 مەملەكەتتىك تەاتر اشىلدى، 10 تەاترعا جاڭا عيمارات سالىندى. تەاترلاردىڭ مارتەبەسىن كوتەرۋ ماقساتىندا 3 تەاترعا «ۇلتتىق»، 9 تەاترعا «اكادەميالىق» ستاتۋسى بەرىلگەن.

پرەمەر- ءمينيستردىڭ ورىنباسارى كەڭەس بارىسىندا تەاترلاردا كوركەمدىك دەڭگەيى سىن كوتەرمەيتىن قويىلىمداردىڭ ساحنالانۋىنىڭ، تاريحي فاكتىلەردىڭ بۇرمالانۋى فاكتىلەرى كەزدەسىپ وتىرعانىن ايتتى. بۇل رەتتە ول كوركەمدىك كەڭەستىڭ ماقۇلداۋىنسىز قويىلىمداردى ىسكە اسىرماۋ، كوركەمدىك كەڭەستەر قۇرامىنا تاريحشى مامانداردى ەنگىزۋ قاجەتتىلىگىن اتاپ ءوتتى. تەاتر سىنشىلارى ينستيتۋتىن دامىتۋدىڭ ماڭىزىنا توقتالدى. تەاتر سىنشىلارىنا تۇراقتى قولداۋ كورسەتۋدى تاپسىردى.

بۇدان بولەك، ۇكىمەت باسشىسىنىڭ ورىنباسارى كينەماتوگرافيا سالاسىنداعى ءبىرقاتار پروبلەمالاردى كوتەردى. رەسپۋبليكادا 110 كينوتەاتر ءوز قىزمەتىن جۇزەگە اسىرادى، ونىڭ ىشىندە 29-ى مەملەكەتتىك مەنشىكتە. 1991 -جىلدان بەرى «قازاقفيلم» كينوستۋدياسىمەن 600-دەن اسا فيلم ءتۇسىرىلدى. دەگەنمەن ەڭبەكقورلىقتى، ازاماتتىق جاۋاپكەرشىلىكتى، وتانسۇيگىشتىكتى، سپورتتى ناسيحاتتايتىن كارتينالاردىڭ ءالى دە جەتكىلىكسىز ەكەندىگى ايتىلدى. بۇل باعىتتا ە. توعجانوۆ كينو جانە تەاتر سالاسىنداعى قويىلىم تاقىرىپتارىن جۇيەلى قۇندىلىقتاردىڭ اياسىندا قويۋدى ۇسىندى.

كەڭەس قورىتىندىسى بويىنشا پرەمەر- ءمينيستردىڭ ورىنباسارى مادەنيەت جانە سپورت مينيسترلىگى مەن ءوڭىر اكىمدىكتەرىنە كينو جانە تەاتر سالاسىن دامىتۋ بويىنشا جۇيەلى شارالار قابىلداۋ تۋرالى ءبىرقاتار ناقتى تاپسىرمالار بەردى.