قاسىم- جومارت توقايەۆ نۇرلان قويانبايەۆقا «شاپاعات» مەدالىن تابىستادى

نۇر- سۇلتان. قازاقپارات - اقوردادا قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ «شاپاعات» مەدالىنىڭ يەگەرلەرىن ماراپاتتادى، دەپ حابارلايدى قازاقپارات.

«قوستاناي وبلىسى «قاساراس» مەديتسينالىق ورتالىعىنىڭ باس دارىگەرى گۇلميرا سەيدەعاليەۆا «شاپاعات» مەدالىمەن ماراپاتتالدى. باسقا دا كوپتەگەن ازاماتتارىمىز جوعارى مەملەكەتتىك ماراپاتتارعا يە بولدى»، - دەدى مەملەكەت باسشىسى ناگرادالار يەگەرلەرىن ماراپاتتاۋ راسىمىندە.

سونىمەن بىرگە، اقورداداعى ماراپاتتاۋ راسىمىندە بالقاش اۋداندىق ورتالىق اۋرۋحاناسىنىڭ حيرۋرگ- دارىگەرى ءىلياس قالييەۆ، بلوگەر دەنيس كريۆوشەيەۆ جانە «قازتەلەپرودۋكت» ستۋدياسىنىڭ باس پروديۋسەرى نۇرلان قويانبايەۆ «شاپاعات» مەدالىن الدى.

ايتا كەتەيىك، ق ر تاۋەلسىزدىگىنىڭ 30 جىلدىعى قارساڭىندا مەملەكەت باسشىسىنىڭ جارلىعىمەن ەلىمىزدىڭ الەۋمەتتىك- ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى، بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى.

ەلىمىزدىڭ ەڭ جوعارى اتاعى - «قازاقستاننىڭ ەڭبەك ەرى» ماراپاتى ءۇش ادامعا تابىس ەتىلدى. «وتان» وردەنىمەن ەڭبەك ارداگەرى، كورنەكتى مەملەكەت جانە قوعام قايراتكەرى، بەلگىلى عالىم مىرزاتاي جولداسبەك پەن تانىمال اقىن اقۇشتاپ باقتىگەرەيەۆا جانە كورنەكتى جازۋشى ءسابيت دوسانوۆ ماراپاتتالدى. ال 1 -دارەجەلى بارىس وردەنىمەن مەملەكەت جانە قوعام قايراتكەرلەرى - نۇرتاي ابىقايەۆ، داريعا نازاربايەۆا، قۋانىش سۇلتانوۆ جانە بەلگىلى عالىم تىلەكتەس ەسبولوۆ، «زەنيت» ورال زاۋىتى» اق باس ديرەكتورى ۆياچەسلاۆ ۆالييەۆ ماراپاتتالدى.

قوعامدىق قىزمەتكە سىڭىرگەن ەڭبەگى، ەلدىڭ مادەني دامۋىنا جانە حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن ءبىرقاتار ازامات «پاراسات» وردەنىمەن ماراپاتتالدى. سونىمەن بىرگە، پرەزيدەنت شاحماتشى جانسايا ابدىمالىكتى «قۇرمەت» وردەنىمەن ماراپاتتادى. ال كۇنسۇلۋ زاكارياعا ءال- فارابي اتىنداعى مەملەكەتتىك سىيلىق تابىستالدى.

ايتا كەتەيىك، قازاقستان رەسپۋبليكاسىنىڭ ءال- فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى ق ر ءبىلىم جانە عىلىم مينيسترلىگى عىلىم كوميتەتىنىڭ «بيولوگيالىق قاۋىپسىزدىك پروبلەمالارىنىڭ عىلىمي- زەرتتەۋ ينستيتۋتى» ۇسىنعان «قازاقستان رەسپۋبليكاسىنىڭ بيولوگيالىق قاۋىپسىزدىگىن قامتاماسىز ەتۋ: وزىق عىلىمي تەحنولوگيالار جانە ءوندىرىس» تاقىرىبىنداعى جۇمىستار سيكلى ءۇشىن بيولوگيا عىلىمدارىنىڭ دوكتورى، پروفەسسور كۇنسۇلۋ زاكاريا باس ديرەكتور بولىپ تابىلاتىن اۆتورلىق ۇجىمعا بەرىلدى.

اۆتور: ايجان سەرىكجان قىزى