الماتىدا اقىن- جازۋشىلار بايقاۋىنىڭ جەڭىمپازدارى انىقتالدى

الماتى. قازاقپارات - الماتى اكىمى باقىتجان ساعىنتايەۆ تاۋەلسىزدىك كۇنى قارساڭىندا جازۋشىلار قاۋىمداستىعىمەن كەزدەستى، دەپ حابارلايدى قازاقپارات ءتىلشىسى.

الماتى اكىمى باقىتجان ساعىنتايەۆ قازاقستان جازۋشىلار وداعىنىڭ مۇشەلەرىمەن شىعارماشىلىق بىرلەستىكتى قولداۋ جانە دامىتۋ ماسەلەلەرىن تالقىلادى، سونداي-اق مەرەيتويلىق داتاعا ورايلاستىرىلعان «الماتى- تاۋەلسىزدىكتىڭ التىن بەسىگى» بايقاۋىنىڭ قورىتىندىسى شىعارىلدى.

شىعارماشىلىق بايقاۋعا مەترلەرمەن قاتار، جاس اقىن- جازۋشىلار قاتىستى. شىعارماشىلىق جۇمىستار ءتورت جانردا ۇسىنىلدى - پوەزيا، پروزا، بالالار ادەبيەتى، دراماتۋرگيا. اسحات ومىربايەۆ «اكە، ەلگە قايتايىقشى!» اڭگىمەسى، تۇرىسبەك ساۋكەتايەۆ «كوكشۋلان» نوۆەللاسى، دۋمان رامازان «ۇكىم» تاريحي دراماسى، پاتيگۇل ماحساتوۆا قازاق تىلىندەگى ولەڭدەر توپتاماسى ءۇشىن جەڭىمپاز بولىپ تانىلدى. باقىتجان ساعىنتايەۆتىڭ تاپسىرماسى بويىنشا وتكەن جىلى 30 اۆتوردىڭ جۇمىسىن باسىپ شىعارۋ ءۇشىن قارجى ءبولىندى. جاس جازۋشىلاردىڭ دا، قازاق ادەبيەتى كلاسسيكتەرىنىڭ دە ەڭبەگى قولداۋ تاپتى. بيىل جۇزدەن استام تانىمال ءسوز شەبەرى مەن جاس اۆتورلاردىڭ كىتاپتارى جارىق كوردى. كىتاپتاردىڭ تۇساۋكەسەرى قالا كىتاپحانالارىندا وتەدى.

«جازۋشىلار قاۋىمداستىعىن قولداۋ جالعاسادى. سىزدەر تاريحي وقيعالاردىڭ شىنايى كۋاسى رەتىندە ولاردى جۇرەكتەن وتكىزىپ، وقىرمانعا جەتكىزەسىزدەر. تاۋەلسىزدىكتىڭ مەرەيتويلى جىلىندا سىزدەرگە زور دەنساۋلىق پەن شابىت تىلەيمىن!»، - دەدى باقىتجان ساعىنتايەۆ.

ايتا كەتەيىك، بۇگىندە قازاقستان جازۋشىلار وداعىنىڭ قۇرامىندا 820 مۇشە بار، ولاردىڭ 400 ى الماتىدا تۇرادى. 2019 -جىلدىڭ سوڭىندا قالىپتاسقان داستۇرگە ساي الماتىلىق اقىن-جازۋشىلار الماتى اكىمىنىڭ گرانتىنا يە بولدى.