جەمقورلىق قىلمىستار قاي وڭىرلەردە كوپ

نۇر-سۇلتان. قازاقپارات- ق ر سىبايلاس جەمقورلىققا قارسى ءىس-قيمىل اگەنتتىگى قازاقستاندىقتار پارا بەرۋگە ءماجبۇر بولاتىنداي جاعداي ادەيىگە جاسالادى دەپ ەسەپتەيدى.

بۇل تۋرالى قازاقپارات finprom.kz سايتىنا سىلتەمە جاساپ حابارلايدى.

2021 -جىلدىڭ قاڭتار- قاراشا ارالىعىندا ەلدە 1,6 مىڭ جەمقورلىق ءىسى تىركەلگەن. بۇل وتكەن جىلعا قاراعاندا 33,5 پايىز از. 2020 -جىلدىڭ وسى كەزەڭىندە مۇنداي 2,4 مىڭ (5,5+ پايىز) قىلمىس تىركەلگەن. وڭىرلەر بويىنشا جەمقورلىق قىلمىستارىنىڭ باسىم بولىگى الماتىدا جاسالعان: 160 جاعداي - ءبىر جىل بۇرىنعى كورسەتكىشتەن 8,6 پايىز تومەن. جەمقورلىق بويىنشا «كوشباسشىلار» ۇشتىگىنە نۇر-سۇلتان (145 جاعداي، مينۋس 28,2 پايىز) جانە شىمكەنت (128 جاعداي، مينۋس 3 پايىز) كىرەدى.

سىبايلاس جەمقورلىققا قاتىستى كورسەتكىشى ەڭ تومەن ءوڭىر - اقتوبە وبلىسى: 47 جاعداي - ءبىر جىل بۇرىنعىدان 42 پايىز تومەن. بارلىق قۇقىق بۇزۋشىلىقتىڭ 35,8 پايىز پارا بەرۋگە تيەسىلى - 564 جاعداي، وتكەن جىلعىدان 12 پايىز از. ەڭ «تانىمال» قىلمىستاردىڭ ۇشتىگىنە پارا الۋ (433 جاعداي) جانە سىبايلاس جەمقورلىق الاياقتىعى (161 جاعداي) كىرگەن.

جىل باسىنان بەرى ق ر- دا قىلمىستىق سىبايلاس جەمقورلىق قۇقىق بۇزۋشىلىق جاساعان 921 ادام انىقتالدى. بۇل كورسەتكىش ءبىر جىل بۇرىنعىعا قاراعاندا 11,3 پايىز تومەن. ونىڭ ىشىندە 352 ادام پارا بەرۋ، 231 ادام پارا الۋ، 114 ادام سىبايلاس جەمقورلىق الاياقتىعى، 84 ادام لاۋازىمدىق وكىلەتتىكتەرىن اسىرا پايدالانۋ، 73 ادام وزىنە سەنىپ تاپسىرىلعان بوتەن مۇلىكتى يەمدەنۋ نەمەسە جاراتۋ ءىسى بويىنشا ۇستالدى. القابيلەر سوتىنا بارلىعى 921 ادامنان 811 ادام جىبەرىلدى.

ولاردىڭ كوپشىلىگى - ىشكى ىستەر ورگاندارىنىڭ قىزمەتكەرلەرى (159 ادام)، اكىمدىكتەر مەن ولاردىڭ قۇرىلىمدىق بولىمشەلەرىنىڭ قىزمەتكەرلەرى (143 ادام)، قارجى مينيسترلىگىنىڭ قىزمەتكەرلەرى (34 ادام)، ىشكى ىستەر مينيسترلىگى قىلمىستىق- اتقارۋ جۇيەسى كوميتەتىنىڭ قىزمەتكەرلەرى (20 ادام)، اۋىل شارۋاشىلىعى مينيسترلىگىنىڭ قىزمەتكەرلەرى (15 ادام).

ادام ءوزى پارا بەرۋگە ءماجبۇر بولاتىن جاعدايلار ەلىمىزدە ادەيى جاسالۋدا، دەپ حابارلايدى ق ر پرەزيدەنتى جانىنداعى ورتالىق كوممۋنيكاتسيالار قىزمەتى.

2015 -جىلى «پارا بەرۋ» بابى بويىنشا فاكتىلەر بارلىق قىلمىستىڭ 10 پايىز قۇراسا، وسى جىلى بۇل كورسەتكىش ۇشتەن ءبىر بولىگىنە جەتىپ وتىر. ادامدار شەنەۋنىكتەردى پاراعا ساتىپ الۋعا سانالى تۇردە بارادى، ويتكەنى ق ر-دا بيۋروكراتيالىق كەدەرگىلەر ادەيى قولدان جاسالادى.