ماسكەۋدە توبەلەستەن كەيىن تانىمال اكتەردىڭ ۇلى اۋرۋحاناعا ءتۇستى

نۇر-سۇلتان. قازاقپارات - ماسكەۋدە «گراجدانين ناچالنيك»، «شترافبات»، «وحوتا نا پيرانيۋ»، «ليكۆيداتسيا»، «دەن د» فيلمدەرىندە ويناعان 53 جاستاعى تەاتر ءارى كينو اكتەرى ماكسيم دروزدتىڭ ۇلى اياۋسىز سوققىعا جىعىلدى، - دەپ حابارلايدى Tengrinews.kz ءتىلشىسى «م ك» سايتىنا سىلتەمە جاساپ.

«ۇلىم اۋىر جاراقاتپەن اۋرۋحانادا جاتىر. ساۋىعىپ كەتۋى ءۇشىن تىلەۋلەس بولۋلارىڭىزدى سۇرايمىن»، - دەدى تانىمال ءارتىس.

الايدا ول بولعان وقيعانىڭ ەگجەي-تەگجەيىن اشىپ ايتپادى، تەك ۇلىنىڭ اياققا تۇرىپ كەتۋىن تىلەيتىنىن ايتتى.

باسىلىم مالىمەتىنشە، 11-جەلتوقساندا كەشكە ماسكەۋدىڭ باتىس جاعىندا توبەلەس بولعان. الدىن الا مالىمەتتەر بويىنشا، توبەلەسكەندەردىڭ ماس بولعانى ايتىلادى. جاس جىگىت باسىنان قاتتى سوققى الىپ، ەسىنەن تانىپ قالعان. ول بوتكين اۋرۋحاناسىنا ءتۇستى.

REN TV ارناسى دارىگەرلەر 24 جاستاعى ناۋقاسقا باس ميىنىڭ كونتۋزياسى، باس سۇيەگى سىنعان دەگەن دياگنوز قويعانىن حابارلادى. سونىمەن قاتار، دارىگەرلەر سۋبدۋرالدى گەماتومانى انىقتاعان.