10:47, 13 - جەلتوقسان 2021 | GMT +5
د د س ۇ وميكرون شتامىنىڭ قاۋپى تۋرالى جاڭا دەرەكتەردى جاريالادى
نۇر-سۇلتان.قازاقپارات - الدىن الا مالىمەتكە سايكەس، كوروناۆيرۋستىڭ جاڭا وميكرون شتامى COVID-19-عا قارسى ۆاكسينالاردىڭ تيىمدىلىگىن تومەندەتۋى مۇمكىن، ءبىراق بۇل «دەلتا» نۇسقاسىنا قاراعاندا قاۋىپتى ەمەس.
بۇل تۋرالى دۇنيەجۇزىلىك دەنساۋلىق ساقتاۋ ۇيىمى جەكسەنبىدە تاراتقان كوروناۆيرۋستىڭ جاڭا نۇسقاسىنا قاتىستى تەحنيكالىق اقپاراتتا ايتىلعان، دەپ حابارلايدى Egemen.kz.
«بۇگىندە وميكرون شتامىنا ۆاكسينالاردىڭ تيىمدىلىگى تۋرالى دەرەكتەر شەكتەۋلى جانە راستالعان دالەلدەر جوق. الدىن الا دەرەكتەر جانە وميكرون شتامى اقۋىزىنىڭ ايتارلىقتاي وزگەرگەن انتيگەن پروفيلى ينفەكسياعا قارسى ۆاكتسينانىڭ تيىمدىلىگى مەن نۇسقانىڭ بەرىلۋىن تومەندەتەدى» ، دەلىنگەن حابارلامادا.
سونىمەن قاتار، د د س ۇ مالىمەتىنشە، الدىن الا دەرەكتەر جاڭا شتامنىڭ قاۋىپتىلىگى از بولاتىنىن كورسەتەدى، ويتكەنى انىقتالعان جاعدايلاردىڭ كوپشىلىگى سيمپتومسىز نەمەسە جەڭىل جانە ورتاشا بەلگىلەر ارقىلى بايقالادى.
گاۋھار قاپاش
