وڭتۇستىك كورەيا ەكولوگيالىق تازا قوعامدىق كولىكتى قولدانىسقا شىعاردى
جوبا ازىرگە سەۋلگە جاقىن ورنالاسقان قالالاردا عانا ىسكە قوسىلدى. مارشرۋتقا 44 كولىك شىعارىلدى. قاراپايىم اۆتوبۋس ءبىر مەزگىلدە 40 ادامدى تاسىمالداي الادى، ال ەكى قاباتتى ەلەكتروموبيلدە 70 ورىن بار. تەحنيكا كورەيادا شىعارىلدى. ەكولوگيالىق تازا كولىكتەر سوقتىعىستى بولدىرماۋ جانە اۆتوماتتى تەجەۋ جۇيەلەرىمەن جابدىقتالعان.
سمارت جۇيە اۆتوبۋس جولاقتان شىققان كەزدە جۇرگىزۋشىگە ەسكەرتەدى. سونىمەن قاتار اۆتوكولىك كليماتتىق باقىلاۋمەن جابدىقتالعان.
ەلەكتر اۆتوبۋسىنىڭ كەمشىلىگى - 20 گرادۋس ايازدا اككۋمۋلياتورلار تەز وتىرادى. ءبىراق وڭىردە مۇنداي اۋا رايى سيرەك كەزدەسەدى.
پاك سي حۆا، جۇرگىزۋشى:
- قۋاتتاۋ 40 مينۋتتان ءبىر ساعاتقا دەيىن سوزىلادى. ونى 100 پروتسەنتكە قۋاتتاۋدىڭ قاجەتى جوق. ويتكەنى تولىق زاريادتالعاندا اۆتوبۋس 270 شاقىرىم جول جۇرە الادى. ال مەن ءبىر اۋىسىمدا 197 شاقىرىم جۇرەمىن.
www.24.kz
