قىزىلوردادا سيرەك كەزدەسەتىن بالىق اۋلاعاندار ۇستالدى
وبلىس كولەمىندە 1-جەلتوقساننان باستاپ «كيىك» جەدەل- پروفيلاكتيكالىق ءىس- شاراسى وتكىزىلۋدە. ول براكونەرلىكتى، بيولوگيالىق رەسۋرستار وبەكتىلەرىنىڭ زاڭسىز اينالىمىن انىقتاۋ جانە جولىن كەسۋ ماقساتىندا قولعا الىنىپ وتىر. ءىس- شارا بارىسىندا شيەلى اۋداندىق پوليتسيا ءبولىمىنىڭ ۋچاسكەلىك پوليسيا ينسپەكتورلارى بيدايكول- يىركول تاس جولىندا جەڭىل اۆتوكولىكتى توقتاتتى. تەكسەرۋ بارىسىندا كولىكتىڭ جۇك سالعىشىنان ءبىر دانا اككۋمۋلياتور، ەكى قاپقا سالىنعان ءارتۇرلى بالىق تاركىلەندى. ونىڭ ىشىندە سيرەك كەزدەسەتىن قاياز بالىعى الىنىپ، ءتيىستى ساراپتامالار تاعايىندالدى. جۇرگىزۋشى مەن جولاۋشىسى اۋداندىق پوليتسيا بولىمىنە جەتكىزىلدى.
«بۇل دەرەك بويىنشا ق ر قىلمىستىق كودەكسىنىڭ 335-بابىنىڭ 3-بولىگىنىڭ 1-تارماعىنا سايكەس سوتقا دەيىنگى تەرگەپ- تەكسەرۋ ارەكەتتەرى جۇرگىزىلۋدە. وندا جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىنە، سونداي- اق پايدالانۋعا تىيىم سالىنعان جانۋارلارعا، ونىڭ ىشىندە بەكىرە تۇقىمداس بالىق تۇرلەرىنە قاتىستى زاڭسىز الۋ جاعدايى كورسەتىلگەن»، - دەدى قىزىلوردا وبلىسى پوليسيا دەپارتامەنتىنىڭ باستىعى سۇلتان بەكتورە.
