ەۋروپا وميكرون شتامىنىڭ قاۋپىنە الاڭداپ وتىر
ۇلى بريتانيادا تاۋلىك ىشىندە ىندەت جۇقتىرعان 58 مىڭنان استام ادام انىقتالدى. كورولدىكتىڭ سانيتاريا بيلىگى كوروناۆيرۋستىڭ وميكرون اتتى جاڭا شتامى جەلتوقساننىڭ ورتاسىنا قاراي بارىنەن باسىم بولۋى مۇمكىن ەكەنىن تەرىسكە شىعارمايدى. بيلىك بريتاندىقتاردى تەز ارادا كوۆيدكە قارسى بۋستەرلىك ۆاكتسينا سالدىرتىپ، ءۇشىنشى ەكپەنىڭ وميكرون جۇقتىرۋ قاۋپىنە قارسۋ تۇرۋعا شاقىردى.
پورتۋگاليادا 18-19 -جەلتوقسان كۇندەرى 5-11 جاس ارالىعىنداعى بالالارعا كوروناۆيرۋسقا قارسى ەكپە سالۋ جوسپارلانىپ وتىر. ۆاكتسينا ءبىرىنشى كەزەكتە ىلەسپە اۋرۋى بار بالالارعا ەگىلەدى. كوروناۆيرۋس ينفەكتسياسى تارالا باستاعاننان بەرى 10 ميلليون حالقى بار پورتۋگاليادا ۆيرۋس جۇقتىرۋدىڭ 1,18 ميلليوننان استام جاعدايى تىركەلىپ، ينفەكتسيادان 18,6 مىڭنان استام ادام كوز جۇمعان.
گەرمانيانىڭ دەنساۋلىق ساقتاۋ سالاسىنا اۋىر سالماق ءتۇستى. ميۋنحەندەگى ءىرى اۋرۋحانالاردىڭ جانساقتاۋ بولىمىندە جاتقان پاتسيەنتتەردىڭ تورتتەن ءۇش بولىگى - كوۆيدكە شالدىققان ناۋقاستار.
باس دارىگەردىڭ ايتۋىنشا، ۆيرۋسقا قارسى ەكپە سالدىرتقاندار كوپ بولسا، مۇنداي جاعداي ورىن المايتىن ەدى.
جۇما كۇنى ەل پارلامەنتى ءبىرقاتار كاسىبي توپ وكىلدەرى، سونىڭ ىشىندە اۋرۋحانا قىزمەتكەرلەرى مەن قارتتار ءۇيىنىڭ تۇرعىندارىن مىندەتتى ۆاكتسينالاۋ تۋرالى زاڭ جوباسى ماقۇلداندى.
