يزولياتورداعى كىسى ءولىمى: شىمكەنتتە پوليسيانىڭ لاۋازىمدى تۇلعالارىنا قىلمىستىق ءىس قوزعالدى
«ۇستالعانداردىڭ اۆتوكولىگىنەن كولىك اشۋعا ارنالعان تەحنيكالىق قۇرالدار، راديوستانتسيالار، ماڭدايشامدار مەن قولعاپتار تابىلىپ، تاركىلەندى . كۇدىكتىلەردى ۇستاۋ كەزىندە پوليسيا قىزمەتكەرلەرى دەنە كۇشىن قولدانعان . كۇدىكتىنىڭ بىرەۋى عيماراتتا ءوزىن ناشار سەزىنىپ، جەدەل جاردەم كەلگەن ۋاقىتتا مەديتسينا قىزمەتكەرلەرى ونىڭ قايتىس بولعانىن ناقتىلاعان» ، - دەدى ە.جۋماحانبەتوۆ .
سونداي - اق، پوليسيانىڭ لاۋازىمدى تۇلعالارىنا قاتىستى قىلمىستىق ءىس قوزعالىپ، وبەكتيۆتىلىك ماقساتىندا ارنايى پروكۋرورلار دەپارتامەنتى تەرگەپ جاتقاندىعىن جەتكىزدى .
« وسى فاكتى بويىنشا جۇرگىزىلگەن قىزمەتتىك تەرگەۋ ۇستاۋعا قاتىسقان قىزمەتكەرلەر جانە ولاردىڭ ءىس - ارەكەتىنە باقىلاۋدى قامتاماسىز ەتپەگەن باسشىلارى ىشكى ىستەر ورگاندارىنان شىعارىلدى . سونىمەن قاتار، ولاردىڭ قىلمىستىق ءىستى تەرگەۋ شەڭبەرىندەگى ءىس - ارەكەتىنە قۇقىقتىق باعا بەرىلەدى» ، - دەدى ول .
ءىستىڭ بۇكىل ءمان - جايىن انىقتاۋ ءۇشىن شىمكەنت قالاسىنا ءى ء ى م نەن مينيستردىڭ ورىنباسارى باستاعان كوميسسيا كەلدى.
ايتا كەتەيىك، شىمكەنت قالاسىندا اۆتوكولىك قۇرالدارىن ۇرلادى دەگەن كۇدىكپەن ۇستالعان 1990 - جىلعى ازامات پوليسيا بولىمىندە كوز جۇمعان بولاتىن .
