12:27, 11 - جەلتوقسان 2021 | GMT +5
بوكسشى ءالي احمەدوۆ قارسىلاسىن ءبىرىنشى راۋندتا نوكاۋتقا جىبەردى
نۇر- سۇلتان. قازاقپارات - قازاقستاندىق بوكسشى ءالي احمەدوۆ امەريكا قۇراما شتاتتارىنىڭ مونتەبەللو قالاسىندا وتكەن بوكس كەشىندە قارسىلاسىن نوكاۋتقا جىبەردى، دەپ حابارلايدى قازاقپارات Sports.kz رەسۋرسىنا سىلتەمە جاساپ.
بۇگىنگى بوكس كەشىندە ءالي احمەدوۆ مەكسيكالىق بوكسشى پاۋل ۆالەنسۋەلامەن جەكپە- جەككە شىققان بولاتىن.
سۋپەرورتا سالماقتاعى كەزدەسۋ 10 راۋندقا سوزىلۋعا ءتيىس ەدى.
الايدا ول ءبىرىنشى راۋندتىڭ سوڭىندا قازاقستاندىق بوكسشىنىڭ نوكاۋتىنان كەيىن ۋاقىتىنان بۇرىن اياقتالدى. وسىلايشا ءالي احمەدوۆ ءوزىنىڭ كاسىپقوي بوكستاعى ون سەگىزىنشى جەڭىسىنە قول جەتكىزدى.
ال پاۋل ۆالەنسۋەلا وسىمەن ون ءبىرىنشى مارتە جەڭىلىسكە ۇشىرادى.
ايتا كەتەيىك، وتكەن جىلدىڭ جەلتوقسانىندا IBO بويىنشا الەم چەمپيونى تيتۋلى ءۇشىن تارتىستا كارلوس گونگورا ءالي احمەدوۆتى نوكاۋتقا جىبەرگەن بولاتىن.
بۇل - ءاليدىڭ سودان بەرگى ەكىنشى جەكپە- جەگى.
