توقايەۆ ە ا ە و ەلدەرىنە ميكروچيپتەر مەن كومپيۋتەرلىك ەلەمەنتتەردى بىرلەسىپ شىعارۋدى ۇسىندى
«ءۇشىنشى جىل قاتارىنان سيفرلىق ونىمدەر مەن ەلەكتروندى قىزمەتتەرگە تەڭدەسسىز سۇرانىستىڭ ورىن العانىنا كۋا بولىپ وتىرمىز. بۇعان قوسا، تەك قانا ەكسكليۋزيۆتى، يننوۆاتسيالىق تەحنولوگيالىق شەشىمدەرگە عانا ەمەس، سونىمەن بىرگە قاراپايىم سيفرلىق شىعىس ماتەريالدارعا دا كۇرەس ءجۇرىپ جاتىر. قازىردىڭ وزىندە ماشينا جاساۋ الەمدىك نارىعىندا ميكروچيپتەر مەن كومپيۋتەرلىك ەلەمەنتتەردىڭ جەتىسپەۋشىلىگى سالدارىنان جۇيەلى ىركىلىستەر ورىن الۋدا»، - دەدى ق ر پرەزيدەنتى جوعارى ەۋرازيالىق ەكونوميكالىق كەڭەستىڭ وتىرىسىندا.
مەملەكەت باسشىسى ەاەو ەلدەرىنىڭ دە ماشينا جاساۋ سالاسى وسىنداي پروبلەماعا تاپ بولىپ وتىرعاندىعىن باسا ايتتى.
«وسىعان بايلانىستى ۇكىمەتتەرىمىزگە عىلىمي- زەرتتەۋ ينستيتتارىنىڭ جاردەمىمەن ماشينا جاساۋ سالاسى ءۇشىن ميكروچيپتەر مەن كومپيۋتەرلىك ەلەمەنتتەر شىعارۋ بويىنشا بىرلەسكەن كووپەراتسيالىق جوبالاردى جۇزەگە اسىرۋ ماسەلەسىن پىسىقتاۋ قاجەت. كاسىپورىندارىمىزدىڭ قاجەتتىلىگىن تولىق كولەمدە قاناعاتتاندىراتىن، ال ودان كەيىن ەكسپورتتى جولعا قويۋعا مۇمكىندىك بەرەتىن وندىرىستىك بازا قۇرۋ تالاپ ەتىلەدى»، - دەدى قاسىم- جومارت توقايەۆ.
اۆتور: مارلان جيەمباي
