قازمۇنايگاز ەلىمىزدىڭ وڭتۇستىگىندەگى بەنزين جاعدايىنا قاتىستى تۇسىنىك بەردى
9 -جەلتوقسان كۇنى ءبىرقاتار بۇقارالىق اقپارات قۇرالدارىندا شىمكەنت قالاسىنىڭ جانە تۇركىستان وبلىسىنىڭ جانار- ماي قۇيۋ بەكەتتەرىندە بەنزين تاپشىلىعى تۋىنداعانى تۋرالى اقپارات تاراعان بولاتىن.
«وسىعان وراي «قازمۇنايگاز» ۇ ك ا ق قازىرگى ۋاقىتتا بارلىق ءۇش قازاقستاندىق مۇناي وڭدەۋ زاۋىتى قالىپتى جاعدايدا جۇمىس ىستەپ تۇرعانىن مالىمدەيدى. مۇناي وڭدەۋ جانە مۇناي ونىمدەرىن شىعارۋ ق ر ەنەرگەتيكا مينيسترلىگى بەكىتكەن جوسپاردان ارتىق ورىندالۋدا. شىمكەنت مۇناي وڭدەۋ زاۋىتى تاۋلىگىنە شامامەن 6 مىڭ توننا بەنزين ءوندىرىپ شىعارادى. زاۋىتتان بەنزين مۇناي بەرۋشىلەردىڭ وتىنىمدەرىنە سايكەس ۋاقتىلى جىبەرىلۋدە جانە تاۋلىگىنە 6 مىڭعا جۋىق توننانى قۇرايدى. بۇل كولەمنىڭ شامامەن 2 مىڭ تونناسى تۇركىستان وبلىسىنا جونەلتىلەدى. وسىلايشا، شىمكەنت وڭدەۋ زاۋىتى تاراپىنان وڭىردە بەنزين تاپشىلىعىن تۋدىراتىنداي ەش نەگىز جوق»، - دەلىنگەن كومپانيا مالىمەتىندە.
ق م گ ديسپەتچەرلىك- ساراپتاۋ ورتالىعىنىڭ دەرەكتەرىنە سايكەس وسى جىلدىڭ 10 - جەلتوقسانىنداعى جاعداي بويىنشا تۇركىستان وبلىسىنىڭ مۇناي بازالارىندا اي-92 ماركالى بەنزيننىڭ قورى 15,4 مىڭ توننانى قۇرايدى. بۇل وبلىستىڭ 12 كۇندىك سۇرانىسىنا تەڭ.
«بۇدان بولەك، رەسمي تۇلعالاردىڭ بەنزين تاپشىلىعى پاۆلودار مۇناي- حيميا زاۋىتىنداعى جوندەۋمەن بايلانىستى تۋرالى اقپارات شىندىققا جاناسپايدى. سەبەبى پمحز- دا جوندەۋ جۇمىستارى وسى جىلدىڭ قازان ايىندا اياقتالعان»، - دەپ تولىقتىردى «قازمۇنايگاز» ۇ ك ا ق- دان.
