اقتوبە تۇرعىنى ب ت ر تەحنيكاسىن ساتپاق بولدى

اقتوبە. قازاقپارات - اقتوبە پوليتسياسى ب ت ر تەحنيكاسىن ساتپاق بولعان ادامدى انىقتادى. قازىرگى كەزدە تەرگەۋ ءجۇرىپ جاتىر، دەپ حابارلايدى قازاقپارات ءتىلشىسى.

«اقتوبە وبلىستىق پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ورلەۋ اۋىلىنداعى كارەردىڭ اۋماعىندا قانداي دا ءبىر بەلگىلەرى مەن قۇجاتتارى جوق «ب ت ر-60» تەحنيكاسىن تاپتى. تەحنيكانىڭ كارەر ينجەنەرىنە تيەسىلى ەكەندىگى انىقتالدى. ەر ادام ونى شامامەن 2000 -جىلدارى بەلگىسىز بىرەۋدەن ساتىپ العانىن جانە قاجەت بولماعان سوڭ قايتا ساتپاق بولعانىن ايتتى. ناقتىلاسام، بۇل - اتۋعا ارنالعان اسكەري تەحنيكا ەمەس، جاي قاڭقاسى عانا. رەسەيدەن العان»، - دەپ حابارلادى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

قازىر قىلمىستىق كودەكستىڭ 386-بابى 1-بولىگى بويىنشا ءىس قوزعالىپ، تىركەلدى. «ب ت ر» اقتوبە قالاسىنداعى كوممۋنالدىق اۆتوتۇراققا قويىلدى.

ايتا كەتەيىك، بۇعان دەيىن دە اقتوبەدە ءبىر اسكەري تەحنيكا تابىلدى. وندا يەسى تەحنيكانى مەتال قابىلداۋ ورنىنا وتكىزبەك بولدى.

اۆتور: التىناي ساعىندىقوۆا