مەرەكە كۇندەرى قوسىمشا ءۇش جولاۋشى پويىزى جۇرەدى

نۇر-سۇلتان. قازاقپارات - الداعى جەلتوقسان مەرەكەلەرى – ق ر تاۋەلسىزدىك كۇنى جانە جاڭا جىل قارساڭىندا قوسىمشا ءۇش جولاۋشى پويىزى قوسىلدى، دەپ حابارلايدى قازاقپارات «جولاۋشىلار تاسىمالى» ا ق- نىڭ باسپا ءسوز قىزمەتىنە سىلتەمە جاساپ.

1) №202/201 «نۇر-سۇلتان - نۇرلى جول- شىمكەنت» پويىزى نۇر-سۇلتان- نۇرلى جول ستانساسىنان 2021 -جىلعى 15، 26، 29 جەلتوقساندا، 2022 -جىلعى 2 جانە 7-قاڭتاردا، كەرى شىمكەنت ستانساسىنان 2021 -جىلعى 16، 27، 30-جەلتوقساندا، 2022 -جىلعى 3 جانە 8 قاڭتاردا جونەلتىلەدى.

2) №204/203 «نۇر- سۇلتان- نۇرلى جول- الماتى-1» پويىزى نۇر-سۇلتان- نۇرلى جول ستانساسىنان 2021 -جىلعى 15، 27، 29-جەلتوقساندا، 2022 -جىلعى 3 جانە 8-قاڭتاردا، كەرى الماتى-1 ستانساسىنان 2021 -جىلعى 16، 28، 30-جەلتوقساندا، 2022 -جىلعى 4 جانە 9-قاڭتاردا جونەلتىلەدى.

3) №206/205 «اقتوبە- قىزىلوردا» پويىزى اقتوبە ستانساسىنان 2021 -جىلعى 14، 18، 24، 28، 30-جەلتوقسان، كەرى قىزىلوردا ستانساسىنان 2021 -جىلعى 15، 19، 25، 29، 31-جەلتوقسان جونەلتىلەدى. بۇدان باسقا، جولاۋشىلار تاسىمالداۋعا جوعارى سۇرانىسقا يە باعىتتار بويىنشا قوسىمشا ۆاگوندار تىركەۋ ۇيىمداستىرىلادى. كارانتين رەجيمىنە بايلانىستى جولاۋشىلار جول جۇرگەندە جانە ۆوكزالداردا بەتپەردە رەجيمىن ساقتاۋى ءتيىس.