جەل، كوكتايعاق، تۇمان -جۇماعا ارنالعان اۋا رايى بولجامى
جۇما كۇنى ءالى دە اۋقىمدى انتيتسيكلوننىڭ ىقپالىمەن رەسپۋبليكامىزدىڭ باسىم بولىگىندە كۇن اشىق بولادى. تەك باتىستا جاڭبىر مەن قار تۇرىندە جاۋىن- شاشىن جاۋادى. رەسپۋبليكا بويىنشا كەي جەرلەردە تۇمان، كوكتايعاق، جەلدىڭ كۇشەيۋى، قر باتىسىندا جاياۋ بۇرقاسىن، وڭتۇستىگىندە شاڭدى داۋىل كۇتىلەدى. جامبىل وبلىسىنىڭ سولتۇستىگىندە، تاۋلى جانە تاۋ بوكتەرلى اۋداندارىندا تۇمان، وبلىستىڭ وڭتۇستىك- باتىسىندا، سولتۇستىك- شىعىسىندا جانە تاۋلى اۋدانداردا جەلدىڭ كۇشى 15-20، ەكپىنى 23-28 م/س كۇشەيەدى.
تۇندە جانە تاڭەرتەڭ الماتى وبلىسىنىڭ وڭتۇستىگىندە تۇمان تۇسەدى، كۇندىز الاكول كولدەرىنىڭ اۋدانىندا جەلدىڭ 18-23 م/س كۇشەيۋى ىقتيمال. تۇركىستان وبلىسىنىڭ وڭتۇستىگىندە، باتىسىندا جانە تاۋ بوكتەرلى اۋداندارىندا تۇمان، وبلىستىڭ سولتۇستىگىندە جانە تاۋلى اۋداندارىندا جەلدىڭ جىلدامدىعى 15-20 م/س جەتەدى.
باتىس قازاقستان وبلىسىنىڭ سولتۇستىگىندە، سولتۇستىك- باتىسىندا جاياۋ بۇرقاسىن، كوكتايعاق، وبلىستىڭ وڭتۇستىك- شىعىسىندا جەلدىڭ 15-20 م/س كۇشەيۋى كۇتىلەدى. اتىراۋ وبلىسىنىڭ سولتۇستىگىندە، شىعىس جانە ورتالىعىندا تۇمان، كوكتايعاق، وبلىستىڭ سولتۇستىگىندە جەلدىڭ جىلدامدىعى 15-20 م/س جەتەدى.
كۇندىز اقتوبە وبلىسىنىڭ باتىسىندا، وڭتۇستىك- باتىسىندا كوكتايعاق، وبلىستىڭ وڭتۇستىك- باتىسىندا جانە ورتالىعىندا جەلدىڭ 15-20 م/س كۇشەيۋى كۇتىلەدى. ماڭعىستاۋ وبلىسىنىڭ باتىسىندا، سولتۇستىك- شىعىسىندا جەل تۇرادى، جىلدامدىعى - 15-20 م/س. قىزىلوردا وبلىسىنىڭ ورتالىعىندا جەلدىڭ 15-20 م/س كۇشەيۋى كۇتىلەدى.
اقمولا وبلىسىنىڭ سولتۇستىگىندە، شىعىسىندا، قوستاناي وبلىسىنىڭ سولتۇستىگىندە، قاراعاندى وبلىسىنىڭ سولتۇستىگىندە جانە وڭتۇستىگىندە، شىعىس قازاقستان وبلىسىنىڭ شىعىسىندا، تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان تۇسەدى.
