داۋرەن ابايەۆ: پرەزيدەنتتىڭ زەينەتاقى تۋرالى شەشىمى تالاي سۇراقتى كۇن تارتىبىنەن ءتۇسىردى
«مەملەكەت باسشىسى بۇگىنگى شەشىمىمەن بىرنەشە ماسەلەنى كۇن تارتىبىنەن الىپ تاستادى دەپ ويلايمىن. مەنىڭ ويىمشا، ەندى نارازى بولعانداردىڭ سانى الدەقايدا از بولاتىن شىعار. ءبىراق بازالىق ولشەمدە ءبىز مىنانى ەستەن شىعارماۋىمىز كەرەك. 1998-جىلى قازاقستان زەينەتاقىمەن قامتاماسىز ەتۋدىڭ جيناقتىق جۇيەسىنە كوشكەن بولاتىن. ال جەتكىلىكتىك شەگى - مەملەكەت ازاماتتاردىڭ قارتتىق ءومىرىن قاماتامسىز ەتە الۋ ءۇشىن ەسەپتەپ شىعارعان سوما. ءبىز زەينەتاقى جيناعىن ءالى دە تومەن شەك بويىنشا ۇلەستىرە الامىز. سول اقشاعا بۇگىن ساتىپ العان باسپاناسىن ەرتەڭ قارتايعاندا كۇنكورىس قامى ءۇشىن ساتاتىنداي جاعداي تۋىندايتىن بولسا، ولاي جالعاستىرۋدىڭ ءمانى بار ما؟»، - دەدى داۋرەن ابايەۆ «اشىق ديالوگ» سۇحباتىندا.
ونىڭ سوزىنە قاراعاندا جىل باسىندا قولعا الىنعان زەينەتاقى رەفورماسىنىڭ ارقاسىندا ەلىمىزدە 600 مىڭ وتباسى تۇرعىن ءۇي جاعدايىن جاقسارتۋعا مۇمكىندىك العان.
«ارينە، مەن جيناعىن ەندى شەشىپ ۇلگەرمەيتىندەردىڭ اشۋىن تۇسىنەم. ءبىراق ەكونوميكالىق جاعداي، وكىنىشكە قاراي، قۇبىلىپ تۇرادى. كەيبىر ساراپشىلار سياقتى رەفورمانى باستان-اياق جارامسىز ەتىپ سىناۋ ادىلەتسىز. وسى كەزەڭدە 600 مىڭ ترانزاكسيا ماقۇلدانعان ەكەن. 600 مىڭ وتباسى! بۇل 2 ميلليون ادامنان ارتىق ادام ءوزىنىڭ تۇرعىن ءۇي جاعدايىن جاقسارتتى دەگەن ءسوز»، - دەدى ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى.
سونداي-اق ول زەينەتاقى جيناعىنداعى اقشانى بۇگىن امالىن تاۋىپ الماسا، ەرتەڭ ءبارى ءبىر يگىلىگىن كورۋ مۇمكىن ەمەس دەپ ويلايتىندار تۋرالى پىكىر ءبىلدىردى.
«بۇل جونىندە ساراپشىلاردىڭ كوبى ايتا بەرمەيدى. قازاقستان - بۇكىل الەم بويىنشا زەينەتاقى جيناعىن ينفلياتسيا تاۋەكەلدەرىنەن ساقتاۋعا كەپىلدىك بەرىپ وتىرعان جالعىز مەملەكەت. سوندىقتان زەينەتاقى جيعانىنان نەعۇرلىم كوپ اقشا شەشىپ العىسى كەلەتىندەردىڭ ماسەلەسى قورقىنىشتا ەمەس، جوسپارلاۋ كوكجيەگىنىڭ كەڭدىگىندە بولسا كەرەك. ءبىز بۇگىنگى كۇنىمىز ەرتەڭ بولاتىن دۇنيەدەن ماڭىزدى دەپ ويلاپ العانبىز. بۇگىن جەتكىلىكتىلىك شەگى كوتەرىلىپ كەتكەنىنەن نارازى بولىپ جۇگەندەر، ەرتەڭ «نەگە ماردىمسىز زەينەتاقى الامىز» دەپ شاعىمداناتىنى انىق»، - دەدى داۋرەن ابايەۆ.
ەسكە سالايىق، 2022-جىلدىڭ 1- قاڭتارىنان ءبىرجولعى زەينەتاقى تولەمىن الۋدىڭ جەتكىلىكتىلىك شەگى 1,8 ەسە كوتەرىلەتىنى ءمالىم ەتىلگەن بولاتىن.
ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز حاتشىسى الەكساندر كونونەتس اتالعان شەكتى مولشەر نەلىكتەن ارتتىرىلاتىنىن ءتۇسىندىردى. كەيىن زەينەتاقى جيناعىن پايدالانۋعا قاتىستى enpf-otbasy.كz پلاتفورماسىنا ءۇش كۇن ىشىندە وتىنىشتەردىڭ رەكوردتىق سانى جولدانعانى ايتىلدى.
ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى زەينەتاقى جيناعىن «وتباسى بانك» دەپوزيتىنە اۋدارۋ مۇمكىندىگىن ءتۇسىندىردى.
بۇگىن سەناتور نۇرلان قىلىشبايەۆ پرەمەر-مينيستر اسقار ءماميننىڭ اتىنا جولداعان دەپۋتاتتىق ساۋالىندا زەينەتاقى جيناعىن پايدالانۋعا قاتىستى جەتكىلىكتىلىك شەگىن ارتتىرۋ ماسەلەسىن كوتەردى.
دەپۋتات مەملەكەت باسشىسى زەينەتاقى ەسەپ-شوتىنان ارتىق جيناقتى الۋعا مۇمكىندىك بەرىلەتىن ازاماتتار ساناتىن بىرتىندەپ ۇلعايتۋدى تاپسىرعانىن ەسكە سالدى.
سەناتور قازىرگى تاڭدا جەتكىلىكتىلىك سومالارىن كوتەرۋ تاقىرىبى قوعامدا قىزۋ تالقىلانىپ جاتقانىن اتاپ ءوتتى.
