اسكەري ۇشقىشتار مەملەكەتتىك تۋدى الىپ ۇشتى
بۇل تۋرالى قازاقپارات قورعانىس مينيسترلىگىنە سىلتەمە جاساپ حابارلايدى.
وسىلايشا، ەڭ ۇزدىك ۇشقىشتار ەكيپاجدارى «مەنىڭ تۋىم - مەنىڭ وتانىم» اكسياسىنا قاتىستى.
ۇشقىش-مەرگەندەر - ا ا ك ارميا اۆياتسياسىنىڭ باستىعى پولكوۆنيك نۇرلان بايدۋللايەۆ، اۆياتسيا بازاسىنىڭ كومانديرى پولكوۆنيك ماقسۇتبەك ادىلبايەۆ مي-171 ش تىكۇشاعىمەن ەلوردا اسپانىندا قازاقستاننىڭ مەملەكەتتىك تۋىن قالىقتاتىپ الىپ ۇشتى.
بۇل كورىنىستى ورىنداۋدا ولارمەن تاجىريبەلى ۇشقىشتار مەن شتۋرماندار باسقارعان مي-17 بۇرامالى قاناتتى تىكۇشاقتار اۋەدە ىلەسىپ ۇشتى. اكسياعا قاتىسۋعا ىرىكتەلگەن اسكەري ۇشقىشتار - اسكەري پارادتاردىڭ، «kadex» قارۋ-جاراق پەن اسكەري-تەحنيكالىق مۇلىك حالىقارالىق كورمەسىنە قاتىسقاندار. ولاردىڭ شەبەرلىگىنىڭ ارقاسىندا جۇزدەگەن وقۋ-جاۋىنگەرلىك تاپسىرمالار ءساتتى ورىندالىپ، رەسپۋبليكالىق جانە حالىقارالىق وقۋ-جاتتىعۋلار، سونداي-اق بايقاۋلار مەن جارىستاردا ۇزدىك ناتيجەلەرگە قول جەتكىزىلدى.
«تۋ - ءار مەملەكەتتىڭ باستى سيمۆولدارىنىڭ ءبىرى، ەلدىڭ ەگەمەندىگى مەن ءبىرتۇتاستىعىنىڭ بەلگىسى. قازاقستان حالقى ءۇشىن ماڭىزدى كۇندى مەرەكەلەۋ قارساڭىندا وقۋ- جاتتىعۋ ۇشۋلارىن ورىنداۋ ارقىلى اكتسياعا قاتىسۋدى ءجون كوردىك»، - دەدى اسكەري-اۋە كۇشتەرىنىڭ قولباسشىسى پولكوۆنيك نۇربولات توپايەۆ.
اۋە قورعانىسى كۇشتەرى قازاقستاننىڭ اۋە كەڭىستىگىنىڭ قاۋىپسىزدىگىن كۇزەتۋدە. اۆياتسيا پاركى جىل سايىن تەحنيكا مەن قارۋ-جاراقتىڭ زاماناۋي ۇلگىلەرىمەن تولىقتىرىلىپ وتىر.
كاسىبي شەبەرلىكتىكتەرىن شىڭداۋ ءۇشىن جەكە قۇرامعا قولايلى جاعدايلار جاسالۋدا.
