ايدا بالايەۆا قوعامدىق كەڭەستەردىڭ جۇمىسى تۋرالى تاقىرىپتىق اپتا وتكىزۋدى ۇسىندى
وعان كەڭەستىڭ بارلىق بەلسەندى مۇشەلەرى، سونداي-اق ۇكىمەتتىك ەمەس ۇيىمدار وكىلدەرى، ۆەدومستۆولىق باعىنىستى ۇيىمدار باسشىلارى قاتىستى، دەپ حابارلايدى قازاقپارات.
اقپارات جانە قوعامدىق دامۋ سالاسىنداعى قوعامدىق كەڭەستىڭ ءتوراعاسى دارحان مىڭبايدىڭ توراعالىعىمەن جانە اقپارات جانە قوعامدىق دامۋ ءمينيسترى ايدا بالايەۆانىڭ قاتىسۋىمەن وتكەن وتىرىستىڭ كۇن ءتارتىبى «ۇلتتىق رۋحاني جاڭعىرۋ» ۇلتتىق جوباسىنىڭ، سونداي-اق قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىنداعى ءىس-شارالار جوسپارىنىڭ سۇراقتارىنا ارنالدى.
21 كورسەتكىش پەن 66 ءىرى ءىس-شارانى قامتيتىن «ۇلتتىق رۋحاني جاڭعىرۋ» ۇلتتىق جوباسىنىڭ نەگىزگى ءۇش باعىتىن ىسكە اسىرۋ بارىسى تۋرالى «رۋحاني جاڭعىرۋ» باعدارلاماسىن ۇيلەستىرۋ دەپارتامەنتىنىڭ ديرەكتورى ۋ. تناليەۆ ايتىپ بەردى.
ءوز كەزەگىندە، ازاماتتىق قوعام ىستەرى كوميتەتىنىڭ ءتوراعاسى م. قوجاحمەت قازاقستان تاۋەلسىزدىگىنىڭ 30 جىلدىعىن مەرەكەلەۋگە جوسپارلانعان 101 ءىس- شارانىڭ 75 ءى ىسكە اسىرىلعانى تۋرالى قوعامدىق كەڭەس مۇشەلەرىن حاباردار ەتتى.
«قالعان ءىس-شارالار رەسپۋبليكالىق جوسپارعا سايكەس بەلگىلەنگەن مەرزىمدە جەلتوقسان ايىنىڭ سوڭىنا دەيىن جۇزەگە اسىرىلادى»، - دەدى م. قوجاحمەت.
قوعامدىق كەڭەس مۇشەلەرى مينيستر ا. بالايەۆانىڭ 2022-جىلى ازاماتتىق قوعام وكىلدەرىنىڭ قاتىسۋىمەن قوعامدىق كەڭەستەردىڭ تاقىرىپتىق اپتالىعىن وتكىزۋ جونىندەگى يدەياسىن قولدادى.
دارحان مىڭباي بۇل يدەيانىڭ وزەكتىلىگىن اتاپ ءوتتى. ول اقپارات جانە قوعامدىق دامۋ مينيسترلىگى قوعامدىق كەڭەستەردىڭ قىزمەتى جونىندەگى ۋاكىلەتتى ورتالىق مەملەكەتتىك ورگان ەكەندىگىن اتاپ ءوتتى.
ايدا بالايەۆانىڭ ايتۋىنشا، بۇل شارا ازاماتتىق قوعامنىڭ ماڭىزدى ينستيتۋتىنىڭ الدىن الا قورىتىندىلارىن شىعارۋ ءۇشىن دە، سونداي-اق ولاردىڭ قازاقستانداعى قىزمەتىن ودان ءارى جەتىلدىرۋ بويىنشا تاسىلدەردى ازىرلەۋ ءۇشىن دە وزەكتى.
اقپارات جانە قوعامدىق دامۋ مينيسترلىگىنەن ءمالىم ەتكەندەي، جالپى، وتىرىس قورىتىندىسى بويىنشا قوعامدىق كەڭەس مۇشەلەرى ۆەدومستۆونىڭ جۇرگىزىپ وتىرعان جۇمىسىندا ەسكەرىلەتىن ۇسىنىمدار ازىرلەدى.
قوعامدىق كەڭەستىڭ كەزەكتى وتىرىسىن 2022-جىلدىڭ I- توقسانىندا وتكىزۋ جوسپارلانعان.
