قازاقستاننىڭ ءتورت وبلىسىندا كۇن رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - اقتوبە، الماتى، اتىراۋ، باتىس قازاقستان وبلىستارىندا كۇن رايىنا بايلانىستى ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك- نا سىلتەمە جاساپ.

10- جەلتوقساندا اقتوبە وبلىسىندا كوكتايعاق بولادى. وڭتۇستىك-شىعىستان جەل سوعىپ، وبلىستىڭ وڭتۇستىك-باتىسىندا جانە ورتالىعىندا ەكپىنى 15-20 م/س- كە جەتەدى.

الماتى وبلىسىنىڭ وڭتۇستىگىنە تۇمان تۇسەدى. الاكول كولىنە جاقىن اۋدانداردا وڭتۇستىك-شىعىستان جەل سوعادى، ونىڭ كۇشى 18-23 م/س- كە جەتەدى.

11-12- جەلتوقساندا وبلىستىڭ سولتۇستىك-باتىسىندا سولتۇستىك-شىعىستان جەل ەسىپ، ونىڭ جىلدامدىعى 15-20 م/س، الاكول كولىنە جاقىن اۋدانداردا 29 م/س جانە وداندا جوعارى بولادى.

10- جەلتوقساندا اتىراۋ وبلىسىنىڭ سولتۇستىگىنە، شىعىسىنا جانە ورتالىعىنا تۇمان ءتۇسىپ، كوكتايعاق بولادى.

باتىس قازاقستان وبلىسىنىڭ سولتۇستىگىندە، سولتۇستىك-باتىسىندا بۇرقاسىن، كوكتايعاق بولۋى ىقتيمال.

جەل شىعىستان، سولتۇستىك-شىعىستان سوعىپ، وبلىستىڭ وڭتۇستىك-شىعىسىندا ەكپىنى 15-20 م/س- كە جەتەدى.