امەريكالىق مامان جانىبەك ءالىمحان ۇلىنىڭ چەمپيوندىق بەلبەۋ ءۇشىن كەزدەسۋ وتكىزەتىنىن مالىمدەدى
مۇنداي پىكىردى Vesti.kz تىلشىسىنە بەرگەن سۇقباتىندا Delcotimes.com سايتىنىڭ رەداكتورى ايتتى. ول سونداي-اق امەريكالىق دەمەتريۋس اندرادە (31-0، 19 KO) بۇل بەلبەۋدەن نە ءۇشىن باس تارتاتىنىن ءتۇسىندىردى.
WBO باسشىلارى وتكەن اپتادا دەمەتريۋس اندرادەگە جانىبەك الىمحان ۇلىمەن كەزدەسۋ وتكىزۋدى مىندەتتەدى. ءبىراق امەريكالىق بوكسشىنىڭ پروموۋتەرى ەددي حيرن بولسا بۇل جەكپە-جەكتىڭ قىزىق ەمەس ەكەنىن ايتتى. ەگەر ەكى كوماندا ايقاس وتكىزۋ تۋرالى جەلتوقسان ايىنىڭ ورتاسىنا دەيىن كەلىسپەسە، وندا كەزدەسۋ پروموۋتەرلىك ساۋداعا قويىلادى.
«اندرادەگە الىمحان ۇلىمەن جەكپە-جەك كەرەك ەمەس. بۇل امەريكالىق ءۇشىن قاۋىپتى ايقاس. اندرادامەن كەزدەسۋدەن گولوۆكين مەن «كانەلو» دا باس تارتتى. چارلومەن دە جەكپە-جەك ۇيىمداستىرۋ قيىن. مۇنداي جاعدايدا ونىڭ ءبىر عانا امالى بار - باسقا سالماققا اۋىسۋ. دەمەتريۋس ءىرى دەنەلى بوكسشى. سۋپەر ورتا سالماقتا دا ءوزىن جاقسى سەزىنەدى. ەگەر «كانەلو» بۇل سالماقتا چەمپيوندىق بەلبەۋدى قالدىرسا، اندرادە ۇمىتكەرلەردىڭ ءبىرى بولادى. وسى سالماقتا وعان ىڭعايلى قارسىلاستار دا كوپ. قازىر امەريكالىق وسى نۇسقانى قاراستىرىپ جاتسا كەرەك. ال قازاقستاندىق بوكسشى بولسا بوس قالاتىن ورتا سالماقتاعى بەلبەۋ ءۇشىن جۇدىرىقتاسادى»، - دەدى ماككافەرري.
