08:02, 08 - جەلتوقسان 2021 | GMT +5
وزبەكستاندىقتار جاڭا جىلدى وتشاشۋسىز قارسى الۋى مۇمكىن
نۇر-سۇلتان.قازاقپارات - وزبەكستاندىقتار جاڭا جىلدى وتشاشۋسىز قارسى الۋلارى مۇمكىن. ويتكەنى كورشى ەل بيلىگى قاۋىپتىلىگى جاعىنان ەكىنشى ساناتقا جاتاتىن پيروتەحنيكالىق زاتتاردى وندىرۋگە، يمپورتتاۋعا، ساتۋعا، ساقتاۋعا جانە پايدالانۋعا تىيىم سالدى.
وزبەكتەر ءوز ەرىكتەرىمەن اۋلالارىندا فەيەرۆەرك اتىپ، پەتاردا جارا المايدى. بۇل - قاۋىپسىزدىك ماقساتىندا قولعا الىنعان ساقتىق شاراسى. دەگەنمەن ءۇشىنشى جانە ءتورتىنشى ساناتقا جاتاتىن پيروتەحنيكالاردى وزبەكستان اۋماعىندا پايدالانۋعا رۇقسات بار.
ياعني بۇل - اۋقىمدى مەرەكەلەردەگى ۇلكەن وتشاشۋلار. قازىر وزبەكستاننىڭ ىشكى ىستەر مينيسترلىگى وسى ساناتتاعى پيروتەحنيكالاردى ەلگە كىرگىزۋ ءتارتىبىن بەكىتۋ جايىن قاراستىرىپ جاتىر.
www.24.kz
