جاڭا تۋعان ءسابيىن باسقا بىرەۋدىڭ قامقورلىعىنا بەرگەن ايەل ۇستالدى

نۇر-سۇلتان. قازاقپارات - جاڭا تۋعان ءسابيىن باسقا بىرەۋگە اسىراپ الۋعا بەرگەن ايەل ۇستالدى. بۇل تۋرالى ق ر ءى ءى م كريمينالدىق پوليتسيا دەپارتامەنتى باستىعىنىڭ ورىنباسارى قانات نۇرماعامبەتوۆ ايتتى، دەپ حابارلايدى قازاقپارات ءتىلشىسى.

«جامبىل وبلىسىنىڭ پوليتسيا قىزمەتكەرلەرى وسى جىلدىڭ شىلدە ايىندا 30 جاستاعى ايەلدىڭ جاڭا تۋعان قىزىن ءۇشىنشى تۇلعامەن مالىمە جاساپ، اسىراپ الۋعا بەرگەنىن انىقتادى. ق ر قىلمىستىق كودەكسىنىڭ 135-بابى 1-تارماعىمەن سوتقا دەيىنگى تەرگەۋ باستالدى قاجەتتى ءىس-شارالار كەشەنى جۇرگىزىلىپ جاتىر»، - دەدى ول ءى ءى م باسپا ءسوز قىزمەتى الاڭىندا وتكەن بريفينگتە. سونىمەن قاتار ول اقمولا وبلىسىندا 3-توپ مۇگەدەگىن قايىر تىلەۋگە ماجبۇرلەگەن كوكشەتاۋ قالاسىنىڭ 28 جاستاعى تۇرعىنى ۇستالعانىن اتاپ ءوتتى.

ونىڭ دەرەگىنشە، كۇدىكتى كەلىنشەك وسكەمەن قالاسىنان 60 جاستاعى مۇگەدەك ەر ادامدى كوكشەتاۋعا الداپ الىپ كەلىپ، قايىر تىلەۋگە ماجبۇرلەگەن.

«كۇدىكتى مامىردان باستاپ وسى ۋاقىتقا دەيىن مۇگەدەك ادامدى ورتالىق بازاردا كۇن سايىن 8-9 ساعات بويى قايىر تىلەۋگە وتىرعىزىپ قويعان. تۇسكەن تابىستى قالتاسىنا باسقان. فاكتى ق ر ق ك 126-بابى 3-تارماعىنىڭ 2-تارماقشاسى بويىنشا تىركەلدى. تەكسەرۋ جۇرگىزىلىپ جاتىر»، - دەدى قانات نۇرماعامبەتوۆ.

اۆتور: مارلان جيەمباي