الماتىدا ءۇي كىرەبەرىسىندە بالالار ارباسىنا دارەت سىندىرعان تۇرعىن ۇستالدى
ءىس ماتەريالدارى سوتقا جولداندى، - دەپ حابارلايدى Tengrinews.kz ءتىلشىسى.
الماتى پوليتسياسى مالىمەتىنشە، «جاس قانات» ىقشاماۋدانىنداعى كوپقاباتتى ۇيلەردىڭ بىرىندە كىرەبەرىستە تۇرعان بالالار ارباسىنا دارەت سىندىرعانى بەينەباقىلاۋ كامەرالارىنا ءتۇسىپ قالعان ەر ادامنىڭ جەكە باسى انىقتالدى.
«ۆيدەو رەزونانس تۋدىردى. ءبىز بەينەباقىلاۋ كامەرالارىنا ءتۇسىپ قالعان ۆيدەونى مۇقيات زەرتتەدىك. ايىپتالۋشى ول اۋداننىڭ تۇرعىنى ەمەس ەكەن. ونىڭ جەكە باسى ءبىراز ۋاقىتتان كەيىن انىقتالدى. بۇگىن ۇستالدى. بۇل ساياحات اۆتوۆوكزالىنىڭ اۋدانىندا پاتەر جالداپ تۇراتىن 44 جاستاعى ازامات. بۇرىن ەر ادام قىلمىستىق جاۋاپكەرشىلىككە تارتىلعان»، - دەدى تۇركسىب اۋداندىق پوليتسيا ءبولىمىنىڭ باستىعى ەركىن امانتايەۆ.
ۇستالعان تۇرعىننىڭ ءوزى ماس كۇيدە بولعانىن ايتتى. ق ر ق ك- نىڭ 434-بابى «ۇساق بۇزاقىلىق» بويىنشا ءىس ماتەريالدارى شەشىم قابىلداۋ ءۇشىن سوتقا جولدانادى.
ەسكە سالايىق، 3-جەلتوقساندا الماتىلىق تۇرعىن كوپقاباتتى ءۇيدىڭ كىرەبەرىسىندە تۇرعان بالالار ارباسىنا دارەت سىندىرعان ۆيدەو جاريالانعان بولاتىن.
