ا ق ش- تا ەر ادام ۇشاق ورنىنان قوزعالا بەرگەن ساتتە سەكىرىپ كەتتى

نۇر- سۇلتان. قازاقپارات - ەر ادام اريزونا شتاتىنداعى فينيكس سكاي- حاربور حالىقارالىق اۋەجايىندا ورنىنان قوزعالىپ، ۇشۋعا بەت العان ۇشاقتان سەكىرگەن.

بۇل تۋرالى CNN اگەنتتىگى Southwest Airlines اۋە كومپانياسىنا سىلتەمە جاساپ حابارلايدى.

وقيعا كولورادو- سپرينگس باعىتىندا ۇشىپ كەلە جاتقان 4236 رەيسىندە بولعان.

«الدىن الا مالىمەتتەر بويىنشا، ۇشاق كەلگەن جولاۋشىلار ءۇشىن شىعۋ جولدارىنىڭ بىرىنە قاراي جىلجىپ بارا جاتقاندا، بورتتاعى جولاۋشى ۇشاقتان (اۋە كەمەسىنىڭ) ارتقى بولىگىندەگى ليۋك ارقىلى شىققان» - دەدى Southwest Airlines وكىلى دەن لەندسون.

سودان كەيىن كاپيتان ۇشاقتى توقتاتىپ، اۆياتسيالىق- ديسپەتچەرلىك قىزمەتتى حاباردار ەتكەن. ەر ادام ۇشۋ- قونۋ جولاعىنا قۇلاپ، اياعىن جاراقاتتاپ العان. اۋەجايدا ورنالاسقان ءورت ءسوندىرۋ ءبولىمىنىڭ وكىلى تودد كەللەردىڭ ايتۋىنشا، ءوزى ولاردىڭ عيماراتتارىنا جەتىپ، بولمەلەردىڭ بىرىنە كىرگەن دە ەسىكتى اشپاي قويعان.

«بىرنەشە مينۋتتان كەيىن ءورت سوندىرۋشىلەر ەر ادامدى ەسىكتى اشۋعا كوندىرگەن، سودان كەيىن تەكسەرىپ، قاجەتتى كومەك كورسەتكەن جانە اياعىن جاراقاتتاپ العان ونى اۋرۋحاناعا جەتكىزگەن»، — دەپ ناقتىلادى كەللەر.